అవును.. చేస్తోంది గెస్ట్‌ రోలే

ప‌వ‌ర్‌ స్టార్ ప‌వ‌న్‌ క‌ల్యాణ్ స‌ర‌స‌న ఓ చిన్న బిట్‌ లో అయినా క‌నిపించాల‌ని ఉవ్విళ్లూరే అమ్మ‌ణ్ణులెంద‌రో. కానీ ఈవిడ మాత్రం తృణ‌ప్రాయంగా కాద‌నుకుంది. త్రివిక్ర‌మ్ శ్రీ‌నివాస్ అంత‌టివాడే పిలిచి ఆఫ‌ర్ ఇచ్చినా కాద‌ని మొహ‌మాటం లేకుండా చెప్పేసింది. అత్తారింటికి దారేది మూవీలో ఒక సాంగ్ - కొన్ని సీన్ల‌లో క‌నిపించే ఛాన్స్ కాల‌ద‌న్నుకుంది. అంతటి మెగా ఆఫ‌ర్‌నే తిర‌స్క‌రించింది, ఇక అన‌సూయ ఎప్ప‌టికీ సినిమాల్లోకి రాదు అని ఫిక్స‌యిపోయారు ఫ్యాన్స్‌. ఇక ఎప్ప‌టికీ త‌మ అభిమాన దేవ‌త‌ని వెండితెర‌పై చూడ‌లేమా? అంటూ బెంగ పెట్టుకున్న‌వాళ్లెంద‌రో.

అయితే ఆ వ్య‌థ‌ని గ్ర‌హించిందో లేక ప‌ట్టు స‌డ‌లించిందో.. ఉన్న‌ట్టుండి వ‌న్ ఫైన్‌ డే నేను కూడా న‌టించేస్తున్నానోచ్‌.. అంటూ అభిమానుల‌కు ఆ శుభ‌వార్త కాస్తా చెవిన వేసింది. క‌ట్ చేస్తే కింగ్ నాగార్జునకి మ‌ర‌ద‌లి రోల్ చేసేసింది. సోగ్గాడే చిన్నినాయ‌నా సినిమాలో ఓ సాంగ్‌ - కొన్ని స‌న్నివేశాల్లో చేసేసింది. దీని గురించి త‌నే స్వ‌యంగా మాట్లాడుతూ.. అవును చేస్తోంది గెస్ట్ సాంగ్‌ - గెస్ట్ రోల్ అయినా అది సినిమాకి వ‌ర్త్‌ ఫుల్‌. నా ఎంట్రీ చాలా క్యూట్‌. మైమ‌రిపిస్తుంది. కుర్రాళ్ల‌ను క‌వ్విస్తుంది. ఎంతో ఇంపాక్ట్ చూపిస్తుంది అంటూ అన‌సూయ త‌బ్బిఉబ్బిబ్బ‌యిపోతోంది. ఇదో ఎమేజింగ్ ఫిలిం. అందుకే లెంగ్త్ కోసం పాకులాడ‌కుండా వ‌చ్చిన అవ‌కాశం స‌ద్వినియోగం చేసుకున్నా అని చెప్పింది.