అనసూయ వేచిచూసిన ఉదయం వచ్చేసింది

జబర్దస్త్ తో పాపులర్ అయిన యాంకర్ అనసూయ... సినిమాల్లో వెలిగిపోవాలని బాగానే హోప్స్ పెట్టుకుంది. అయితే... ఈ బ్యూటీ కోరికలని, ఆశలని పట్టించుకుకోండా... ఆ ప్రోగ్రాంలో ధరించిన డ్రస్సుల మాదిరిగానే వేసుకోని.. ఐటెం సాంగ్స్ చేయమని ఆఫర్లిచ్చారు మన టాలీవుడ్ జనాలు. ఎన్నేళ్లైనా వెయిట్ చేస్తాను కానీ.. ఐటెం నెంబర్ మాత్రం చెయ్యనంటూ భీష్మించుకుకూర్చుంది అనసూయ. మొత్తానికి ఓ పెద్ద సినిమాలో ఛాన్స్ కూడా పట్టేసింది. సోగ్గాడే చిన్ని నాయనలో.. టాలీవుడ్ మన్మథుడు నాగార్జున మరదలుగా నటిస్తోంది.

ఈ మూవీ స్టిల్స్ ఇప్పుడు బయటకొచ్చాయి. వీటిని షేర్ చేసింది కూడా మన్మథుడే. తనని ఆటపట్టిస్తూ.. పక్కన మెరిసిపోతోంది అనసూయ ఫోటోలను షేర్ చేశాడు నాగ్. వెండితెర నటి అనిపించేందుకు అనసూయ చాలా రోజులుగా ఎదురుచూస్తోంది. ఇప్పుడా క్షణం వచ్చేసింది. స్క్రీన్ మీద బాగానే ఉన్నట్లుగా కనిపిస్తోంది. మన్మథుడికి మంచి జోడీ అనేలా ఉంది అనసూయ. అడవి శేష్ పక్కన క్షణంలో లీడ్ హీరోయిన్ గా నటిస్తున్నా... నాగార్జున పక్కన చేయడమంటే ఆ కిక్కే వేరు కదా. అన్నట్లు.. ఈ సోగ్గాడే ముందు రిలీజ్ అయ్యేలా ఉన్నాడు. అంటే అనసూయ లాంఛింగ్ చేసిన క్రెడిట్ నాగ్ అకౌంట్లోనే పడుతుందన్నమాట.

చాలా రోజుల గ్యాప్‌ తరువాత సోగ్గాడే చిన్ని నాయనా సినిమా ఆఖరి షెడ్యూల్‌ మొదలైంది. ఇక సినిమా పూర్తయ్యే వరకు ఏకదాటిగా షూటింగ్‌ చేసేసి ఈ సినిమాను త్వరలోనే రిలీజ్‌ చేస్తాను అంటున్నాడు నాగ్‌. చేయండి సార్‌.. అనసూయ కూడా అందుకే వెయిటింగ్‌.