అశ్విన్ తాతగా శింబు దంచేశాడుగా

శింబు లేటెస్ట్ మూవీ అంబావనన్.. అసరాధవన్.. అందగధవన్. ఏఏఏ అంటూ షార్ట్ ఫామ్ తో ఈ చిత్రం ఇప్పటికే బజ్ క్రియేట్ చేస్తోంది. శింబు ఈ చిత్రంలో మూడు పాత్రలు చేస్తుండగా.. అందులో ఒకటి అశ్విన్ తాతగా వయసు మీరిన పాత్ర పోషిస్తున్నాడు.

ఇప్పుడీ ఏఏఏ చిత్రంలో అశ్విన్ తాత పాత్రకు సంబంధించిన టీజర్ రిలీజ్ చేశాడు దర్శకుడు అధిక్ రవిచంద్రన్. కేరక్టర్ కి తగినట్లుగా తనను తాను మార్చుకునేందుకు ప్రయత్నించే శింబు.. అశ్విన్ తాత పాత్ర కోసం బాగానే కష్టపడ్డాడు. తన బాడీ బరువు కూడా పెంచుకుని.. లావుగా కనిపించేలా జాగ్రత్త పడ్డాడు. అయితే.. తాత కేరక్టర్ చేస్తున్నాడు కదా అని.. తన స్టైలింగ్ విషయంలో ఏ మాత్రం తగ్గలేదు శింబు. ఇంకా చెప్పాలంటే.. పంచ్ డైలాగ్స్ తో సహా తాత కేరక్టర్లో అన్ని హంగులూ ఇంకా ఎక్కువైపోయాయి.

తాత పాత్రతో మిల్కీ బ్యూటీ తమన్నా చేస్తున్న రొమాన్స్ అయితే అదరహో అనాల్సిందే. తమిళ్ సినిమాల్లో ఇప్పటివరకూ చూడని కొత్త లవ్ స్టోరీ చూపించబోతున్నట్లు టీజర్ లోనే చెప్పాడు శింబు. ఇక అశ్విన్ తాత ఫైటింగ్స్ అయితే.. సూపర్ మ్యాన్ రేంజ్ లో దంచేశాడనే చెప్పాలి. ఏఏఏ మూవీకి ఈ అశ్విన్ తాత కేరక్టరే హైలైట్ గా నిలుస్తుందనడంలో సందేహం లేదు.



Like Us on Facebook : https://www.facebook.com/Tupakidotcom/