ఈ అనసూయ డేటింగ్ కహానీ ఏంటండీ..

సడన్ గా ''ఏ డేట్ విత్ అనసూయ'' అంటూ ఎవరైనా కాస్త షాకవుతారు మరి. ఇప్పుడున్న యాంకర్లలో బీభత్సమైన హాటెస్ట్ లేడీ ఎవరూ అంటే అది ఈవిడే. అందుకే చాలా ప్రోగ్రామ్ లను హోస్ట్ చేస్తూ చిన్నస్ర్కీన్ ను ఏలేస్తోంది ఈ నాటీ లేడీ. వెండితెరపై ఆమె తదుపరి కనిపించే చిత్రం ఏదైనా కూడా.. బుల్లితెర మీద మాత్రం కొత్త కొత్త ప్రోగ్రాములతో షాకిస్తోంది.

అదిగో అలాంటి ఓ ప్రోగ్రామే ఈ డేటింగ్ కార్యక్రమం కూడా. అయితే ఎవరుపడితే వారు వెళ్లి అనసూయతో డేటింగ్ చేస్తారా? ఆ విషయంపై మాత్రం క్లారిటీ లేదు. ఓ న్యూస్ ఛానల్ లో రానున్న ఈ ప్రోగ్రామ్ ప్రోమోలో మాత్రం అనసూయ టాప్ తెలుగు స్టార్లు అందరినీ ఊహించుకుంటూ ఉంటుంది. వారందరినీ చూస్తే.. ఖచ్చితంగా ఇదేదో సెలబ్రిటీ చిట్ చాట్ ప్రోగ్రామ్ అనిపించక మానదు. అయితే అనసూయ డేటింగ్ అనగానే చాలామంది ఉత్సాహం చూపిస్తారు కాబట్టి ప్రోగ్రామ్ కు మాంచి రేటింగ్ వచ్చే ఛాన్సు ఉందిలే.

ఏదేమైనా కూడా ఇంట్రెస్టింగ్ ప్రోగ్రాములతో ఒక వైపు.. హాటు హాటు ఫోటో షూట్లతో ఒకవైపు.. అనసూయ దూసుకుపోతోంది.