కోటి పెట్టి కారు కొన్న హాట్ యాంకర్

టాలీవుడ్ లో ప్రస్తుతం ఫుల్ క్రేజ్ లో ఉన్న హాట్ యాంకర్ ఎవరంటే.. ఖచ్చితంగా అనసూయా భరద్వాజ్ పేరు చెప్పాల్సిందే. మా మ్యూజిక్ ఛానల్ లో వీజేగా కెరీర్ స్టార్ట్ చేసిన అనసూయ.. ఆ తర్వాత జబర్దస్త్ కామెడీ షోతో విపరీతంగా పాపులర్ అయ్యింది. ముఖ్యంగా తన డిఫరెంట్ స్టైల్ డ్రెసింగ్.. అనసూయ డిమాండ్ ను అమాంతం పెంచేంసింది.

సినిమా ఆడియో ఫంక్షన్లను హోస్ట్ చేసే రేంజ్ కి వచ్చిన తర్వాత.. సినిమా ఆఫర్స్ కూడా రావడం మొదలుపెట్టాయి. రీసెంట్ గా ఈమె నటించిన రెండు చిత్రాలు సోగ్గాడే చిన్ని నాయన, క్షణంలు బ్లాక్ బస్టర్ లుగా మారడంతో.. అప్పుడు అనసూయకు డిమాండ్ అమాంతం పెరిగిపోయింది. తన సక్సెస్ ను ఫుల్ రేంజ్ లో ఎంజాయ్ చేస్తున్న అనసూయ... తనకు తనే ఓ ఖరీదైన గిఫ్ట్ ఇచ్చుకుంది.

ఆడి Q7... చాలామంది సెలబ్రిటీలకు ఇదో పోష్ టార్గెట్. లగ్జరీకి కేరాఫ్ అడ్రస్ అనిపించే ఈ కారును ఇప్పుడు అనసూయ కొనేసింది. ఇంకా ఆమెకు కారు డెలివరీ అవకపోయినా... కోరుకున్న కొత్త కారు కొన్న ఆనందం మాత్రం అనసూయ కళ్లలో కనిపిస్తోంది. ఇదిలాఉంటే.. ఇప్పుడు తనకు ఆఫర్స్ చాలానే వస్తున్న పెర్ఫామెన్స్ పాత్రలనే ఎంచుకుంటున్నానని చెబుతోంది అనసూయా భరద్వాజ్ కం లేటెస్ట్ ఆడి క్యూ7 ఓనర్.