అనసూయ చెల్లికి హీరోయిన్ ఆఫర్‌?

కామెడీగా మొదలై అడల్డ్ కామెడీగా మారిపోయిన టీవీ షో జబర్దస్త్ తో.. అనసూయ బుల్లి తెరపై ఓ రేంజ్ లో రచ్చ చేసేసింది. అసలు ఆ టీవీషో అంతగా జనాలకి ఎక్కడానికి కంటెంట్ కంటే, అనసూయ గ్లామరే ఎక్కువ కారణం అనే టాక్ కూడా ఉంది. ఆ తర్వాత బుల్లి తెరపై సత్తా చాటుతూనే వెండితెరపై కూడా అదృష్టం పరీక్షించుకుంటోంది.

ఇప్పుడు తనే కాదు.. తన చెల్లెలికి కూడా అనసూయ ఇండస్ట్రీలో ఎంట్రీ ఇప్పించనుందనే టాక్ వినిపిస్తోంది. అనసూయ చెల్లెలి పేరు వైష్ణవి. సినీ ఇండస్ట్రీలో ఈ చిన్నదాని గురించి చాలామందికే తెలుసు. ఈమెలో మంచి నటి ఉందని అందరూ అంటుంటారు కూడా. చెల్లెలు వైష్ణవిని హీరోయిన్ గా చేయాలనే సలహాలు ఈ మధ్య అనసూయకి ఎక్కువయ్యాయట. అయితే గ్లామర్ రోల్స్ మాదిరిగా కాకుండా.. ఆఫ్ బీట్ రోల్స్ కి వైషూ పర్ ఫెక్ట్ సూట్ అవుతుందంటున్నారు టాలీవుడ్ జనాలు.

ఎలాగూ మన ఇండస్ట్రీలో తెలుగు అమ్మాయిలు పెద్దగా ఉండరు. ఇప్పుడు పెర్ఫామెన్స్ చేయగలే యాక్టర్ ఉంటే ఆఫర్స్ బాగానే వస్తాయనే అంచనాలున్నాయి. వీటికి తోడు అనసూయ బ్యాక్ గ్రౌండ్ ఉండనే ఉంటుంది. అందుకే జనాల సలహాలను అనసూయ సీరియస్ గానే తీసుకుంటోందట. త్వరలోనే తన సిస్టర్ నిఇండస్ట్రీకి పరిచయం చేసే ఉద్దేశ్యం ఉందంటున్నారు ఆమె సన్నిహితులు. చూస్తుంటే మన టాలీవుడ్ కి ఓ తెలుగమ్మాయి హీరోయిన్ గా దొరికే ఛాన్స్ వచ్చేట్లే ఉంది.