రష్మీ కి నెక్స్ట్ ఛాన్సులు వస్తాయా?

మొదట వెండితెరకే పరిచయం అయినా అంతగా సక్సెస్ అవ్వని రష్మీ ఎప్పుడైతే బుల్లితెరపై యాంకరింగ్ చేసి అలరించిందో అప్పుడే జబర్దస్త్ గా పాపులర్ అయ్యింది. కామెడీ షో కూడా పాపులర్ అవ్వడంతో అమ్మడికి ఫ్యాన్స్ ఫాలోయింగ్ కూడా చాలా వరకు పెరిగింది. ముఖ్యంగా సోషల్ మీడియాలో అయితే రష్మీ కి ఫ్యాన్స్ పేజీలు చాలానే ఉన్నాయి. ఆమె ఫొటోలు కూడా ఇంటర్నెట్ లో తెగ పాపులర్.

ఇక రూమర్స్ కూడా రష్మిని చాలావరకు వెంటాడాయి. కానీ అమ్మడు మాత్రం వాటీని చాలా లైట్ తీసుకుంది. అయితే గుంటూరు టాకీస్ వంటి సినిమాలో నటించిన రష్మీ గ్లామర్ అందాలతో చాలా ఆకట్టుకునే ప్రయత్నం చేసిందనే చెప్పాలి. సువర్ణ పాత్రలో వయ్యారాలను వలకబోసిన తీరును చూస్తే ఎవరైనా సరే రష్మీ కోసమైనా ఆ సినిమాను చూడాలని అనుకుంటారు. కానీ తర్వాత తీసిన సినిమాలు మాత్రం అంతగా ఆకట్టుకోలేదు. అంతం, తను వచ్చెనంట సినిమాలు అస్సలు సక్సెస్ అవ్వలేదు. అయితే యాంకర్ గా ఉన్నపుడే రష్మికి కొన్ని ఐటెమ్ సాంగ్స్ అవకాశాలు వచ్చాయి కానీ అమ్మడు ఎందుకో గాని ఒప్పుకోలేదు.

ఈసారి నెక్స్ట్ నువ్వే అనే సినిమాలో రష్మీ ప్రధాన పాత్రలో కనిపించనుంది. హర్రర్ కామెడీ నేపద్యంలో ఆ సినిమా తెరకెక్కింది. బుల్లితెర నటుడిగా దర్శకుడిగా మంచి గుర్తింపు తెచ్చుకున్న ప్రభాకర్ ఆ సినిమాకు దర్శకత్వం వహించాడు. ఇప్పటికే రిలీజ్ అయిన ట్రైలర్ కి మంచి స్పందన వచ్చింది. పైగా సినిమాకు 'ఎ' సర్టిఫికేట్ ఇచ్చారంటే.. అసలు సినిమాలో రష్మి దాడి ఎలా ఉందా అని ఆలోచిస్తున్నారు జనాలు. ఆది సాయి కుమార్ ఈ సినిమాలో హీరోగా నటిస్తున్నాడు. మరి ఈ సినిమా ద్వారా అయినా రష్మీ కి పెద్ద సినిమాల్లో ఛాన్సులు వస్తాయో లేదో చూడాలి.