తనలోని మరోకోణం బయటపెట్టిన యాంకర్ శ్రీముఖి!

పాపులర్ టీవీ యాంకర్ శ్రీముఖి.. గురించి ప్రత్యేకంగా ప్రేక్షకులకు పరిచయం చేయాల్సిన అవసరం లేదు. ఎందుకంటే టాలీవుడ్ యాంకర్ లలో మైక్ లేకపోయినా అందరికి వినపడేలా మాట్లాడగలిగే స్టామినా కలిగిన శ్రీముఖి.. ప్రస్తుతం తెలుగు టాప్ యాంకర్లలో ఒకరు. ఎన్నో టీవీ షోలు, రియాలిటీ ప్రోగ్రాంలు చేస్తూ వస్తుంది. అయితే శ్రీముఖి యాక్టింగ్ బాగా చేస్తదని అందరికి తెలుసు. కానీ యాక్టింగ్ తో పాటు శ్రీముఖిలో చాలా టాలెంట్స్ ఉన్నాయని ఒక్కొక్కటిగా బయటకి తీస్తోంది. అలాగే ఈమధ్య తన ప్రేమ వ్యవహారం కూడా బయట పెట్టినట్లు వార్తలొచ్చాయి. సినిమాలు టీవీ షోలతో బిజీగా ఉండే సెలబ్రిటీలు లాక్ డౌన్ ముగియగానే ప్రేమ, పెళ్లి విషయాలను బయటపెడుతూ సర్ప్రైజ్ ఇస్తున్నారు.

టాలీవుడ్ మోస్ట్ ఎలిజిబుల్ బ్యాచిలర్స్ అంతా మెల్లగా పెళ్లిపీటలు ఎక్కుతున్నారు. తాజాగా శ్రీముఖి సోషల్ మీడియాలో విపరీతంగా వైరల్ అవుతోంది. ఎందుకంటే ఈ యాంకరమ్మ ఇటీవలే ఓ టీవీ షోలో ఆల్రెడీ కమిటెడ్ అంటూ చెప్పింది. బుల్లితెర యాంకర్ గా రాణిస్తున్న శ్రీముఖి త్వరలో పెళ్లి భోజనం పెట్టనుందని అంతా సంబరపడిపోతున్నారు. తాజాగా ఆమె మాట్లాడిన మాటలు వింటే ఎవరికైనా ఇవే సందేహాలు వ్యక్తం అవుతాయి. ఇదిలా ఉండగా.. శ్రీముఖి తాజాగా తనలోని ఓ మరో టాలెంట్ ఫోటో తీసి సోషల్ మీడియాలో పెట్టింది. అదేంటంటే శ్రీముఖికి చిత్రలేఖనం కూడా బాగానే వచ్చట. ఆ విషయాన్నీ శివరాత్రి జాగారం సందర్బంగా మహాశివుడి చిత్రాన్ని పేపర్ పై గీసిన ప్రూవ్ చేసింది. ఆ పరమశివుడి చిత్రం ఫోన్ లో చూసి గీసినట్లు తెలిపింది. ప్రస్తుతం ఆ పిక్ నెట్టింట వైరల్ అవుతోంది.