వెశ్య గా మారిన మరో నటి

సినిమా అంటేనే న‌ట‌న‌. అయితే కొన్ని పాత్ర‌లు పోషించేందుకు న‌టీన‌టులు దూరంగా ఉంటారు. వేశ్య‌, హిజ్రా వంటివి ఇందులో మ‌చ్చుకు కొన్ని. కానీ ట్రెండ్ మారుతోంది. అందాల బామ అనుష్క‌ - చార్మింగ్ చార్మి - స్వీటీ శ్రీయ‌ వంటి అగ్ర నాయిక‌లే వేశ్య పాత్ర‌ల‌ను పోషించి మెప్పించారు. ఇదే కోవ‌లోకి మ‌రో అగ్ర‌న‌టి వ‌చ్చి చేరింది. విఖ్యాత న‌టుడు క‌మ‌ల‌హాస‌న్ స‌ర‌స‌న విశ్వ‌రూపం సినిమాలో న‌టించి అంద‌రి చూపు ఒక్క‌సారిగా త‌న వైపున‌కు తిప్పుకొన్న ఆండ్రియా ఇపుడు వేశ్య పాత్ర‌లో తలుక్కుమ‌నేందుకు ఓకే చెప్పేసింది.

ప్ర‌ముఖ హీరో ద‌నుష్ హీరోగా న‌టిస్తున్న వ‌డ‌చెన్నై అనే చిత్రంలో వేశ్య పాత్ర‌ను పోషించేందుకు ఆండ్రియా ఓకే చెప్పేశార‌ట‌. స‌మంత హీరోయిన్‌ గా న‌టిస్తున్న ఈ సినిమాలో ఆండ్రియా ఈ పాత్ర‌ను పోషించేందుకు గ్రీన్ సిగ్న‌ల్ ఇచ్చింద‌ని, ఈ సినిమా ఆమెలోని నిజ‌మైన న‌టిని తెర‌మీద‌కు తెస్తుంద‌ని సినిమా యూనిట్ ఘంటాప‌థంగా చెప్తోంది. ఈ సినిమా జూన్ 15వ తేదీ నుంచి షూటింగ్ ప్రారంభించుకోనుంది.