మ‌హేష్ కోసం అనీల్ మ‌రో మాస్ట‌ర్ పీస్

సూప‌ర్ స్టార్ మ‌హేష్ క‌థానాయ‌కుడిగా యంగ్ మేక‌ర్ అనీల్ రావిపూడి దర్శ‌క‌త్వం వ‌హించిన `స‌రిలేరు నీకెవ్వ‌రు` ఎంత పెద్ద స‌క్సెస్ సాధించిందో తెలిసిందే. మ‌హేష్ కెరీర్ లోనే భారీ వ‌సూళ్లు సాధించిన చిత్రంగా రికార్డు సృష్టించింది. సినిమాలో స‌రికొత్త అనీల్ మార్క్ మ‌హేష్ ని ఆవిష్క‌రించాడు. ఈ సినిమా హిట్ త‌ర్వాత అనీల్ డైరెక్ట‌ర్ ఇమేజ్ రెట్టింపు అయింది.

స్టార్ డైరెక్ట‌ర్ల జాబితాలో వేగంగా స్థానం సంపాదించాడు. ఆ సినిమాతో మ‌హేష్‌-అనీల్ మంచి స్నేహితులుగానూ మారిపోయారు. మ‌రి ఈ స‌క్సెస్ ఫుల్ కాంబినేష‌న్ మ‌రోసారి చేతులు క‌ల‌ప‌నుందా? అంటే అవున‌నే తెలుస్తోంది. మ‌హేష్ కోసం అనీల్ రెడీ అవుతున్న‌ట్లు ఓ జాతీయ మీడియాకి ఇచ్చిన ఇంట‌ర్వ్యూలో తెలిపారు.

``మ‌హేష్ తో గొప్ప అనుబంధాన్ని క‌ల్గి ఉన్నాను. మ‌రోసారి ఇద్ద‌రు క‌లిసి సినిమా చేయ‌డంపై ఒప్పందం కుదిరిన‌ట్లు రివీల్ చేసారు. మ‌హేష్ సార్ రెడీ అయిన వెంట‌నే ఆయ‌న మిష‌న్ ప‌ని మొద‌లు పెడ‌తాను. సూప‌ర్ స్టార్ కోసం మంచి స్ర్కిప్ట్ రెడీ చేస్తున్నాను. మ‌హేష్ త‌న అన్ని కమిట్ మెంట్లు పూర్తిచేసి..అనిల్ సినిమా స్టార్ట్ చేద్దామ‌ని మ‌హేష్ చెప్ప‌గానే ప్రాజెక్ట్ ప్రారంభం అవుతుంది. ఈలోపు నేను బౌండెడె స్ర్కిప్ట్ పూర్తిచేసి సిద్దంగా ఉండాలి` అని తెలిపారు.

అనీల్ వ్యాఖ్య‌ల్ని బ‌ట్టి యంగ్ మేక‌ర్ మ‌రో మాస్ట‌ర్ పీస్ రెడీ చేస్తున్నాడా? అని ఫ్యాన్స్ సంతోషం వ్య‌క్తం చేస్తున్నారు. `స‌రిలేరు నీకెవ్వ‌రు` వ‌సూళ్ల‌ని కొట్టే సినిమా తీయ‌బోతున్నాడు అంటూ అప్పుడే కామెంట్లు ప‌డుతున్నాయి. అనీల్ సక్సెస్ ఫుల్ జ‌ర్నీ గు రించి చెప్పాల్సిన ప‌నిలేదు. రైట‌ర్ గా జ‌ర్నీ మొద‌లు పెట్టి డైరెక్ట‌ర్ అయ్యారు.

తొలి ప్ర‌య‌త్నం `ప‌టాస్` పెద్ద హిట్ . ఆ త‌ర్వాత తెర‌కెక్కించిన `సుప్రీమ్` యావ‌రేజ్ కాగా...`రాజా ది గ్రేట్`..`ఎఫ్-2`..`స‌రిలేరు` భారీ విజ‌యాలు సాధించాయి. ప్రస్తుతం `ఎఫ్‌-2`కి సీక్వెల్ గా `ఎఫ్‌-3` తెర‌కెక్కిస్తున్న సంగ‌తి తెలిసిందే. అలా అనీల్ కి ఇప్ప‌టివ‌ర‌కూ ఫెయిల్యూర్ లేదు. అందుకే మ‌రోసారి మ‌హేష్ ఛాన్స్ ఇస్తున్నారు.

ఇక మ‌హేష్ ప్ర‌స్తుతం త్రివిక్ర‌మ్ ద‌ర్శ‌క‌త్వంలో ఓ సినిమా చేస్తున్నారు. ఆ సినిమా పూర్త‌యిన త‌ర్వాత రాజ‌మౌళి ద‌ర్శ‌క‌త్వంలో ఓ పాన్ ఇండియా చిత్రంలో న‌టించ‌నున్నారు. ఈ సినిమా షూటింగ్ ప్రారంభ‌మై విడుద‌ల‌య్యే స‌రికి చాలా స‌మ‌యం ప‌డుతుంది. ఆ త‌ర్వాత‌నే అనీల్ రావిపూడి ప్రాజెక్ట్ సెట్స్ కు వెళ్లే అవ‌కాశం ఉంది. ఈలోపు అనీల్ మ‌రో రెండు సినిమాలు చేసి రిలీజ్ కూడా చేసేసే ఛాన్సెస్ ఉన్నాయి.