ఇండియన్ గ్లాడియేటర్ అని పొగిడేశాడు

రణ్ వీర్ సింగ్ - దీపికా పదుకొనే - ప్రియాంక చోప్రాలతో సంజయ్ లీలా భన్సాలీ తీసిన బాజీరావు మస్తానీ చిత్రం సూపర్ హిట్ టాక్ తో దూసుకుపోతోంది. ఓ పోరాటయోధుని ప్రేమకథని అద్భుతంగా తెరకెక్కించారంటూ ప్రశంసలు వస్తున్నాయి. కలెక్షన్స్ పరంగా దిల్ వాలే తర్వాతి స్థానంలో నిలిచినా.. నిలకడగా వసూళ్లు పెరుగుతుండడం విశేషం.

ముఖ్యంగా బాజీరావుగా రణ్ వీర్ సింగ్ యాక్షన్ కు ప్రేక్షకులతో పాటు తోటి నటులు కూడా ముగ్ధులైపోతున్నారు. రీసెంట్ గా ఈ మూవీని చూసిన బాలీవుడ్ సీనియర్ హీరో అనిల్ కపూర్.. రణ్ వీర్ ను ఆకాశానికి ఎత్తేశాడు. ఏకంగా హాలీవుడ్ స్టార్ రసెల్ క్రో తో పోల్చాడు. 2000 సంవత్సరంలో వచ్చిన గ్లాడియేటర్.. ప్రపంచవ్యాప్తంగా ప్రేక్షకులను ఆకట్టుకుంది. దీనికి ఇండియా ఇచ్చిన సమాధానమే బాజీరావు మస్తానీ చిత్రం అంటూ ట్విటీ చేశాడు అనిల్ కపూర్. సీనియర్ హీరో పొగడ్తలకు వినమ్రంగా స్పందించాడు రణ్ వీర్. "థాంక్యు అనిల్ కపూర్, అందరూ గర్వంగా ఫీలయ్యేలా చేశానని భావిస్తున్నా, దిల్ ధడక్ నే దో చిత్రానికి అవార్డ్ అందుకున్నందుకు కంగ్రాట్స్" అంటూ ట్వీట్ చేశాడు.

తాజాగా ఈ చిత్రానికి గాను ఉత్తమ సహాయ నటుడిగా స్టార్ డస్ట్ అవార్డును అనిల్ కపూర్ అందుకున్నాడు. రణ్ వీర్ తో కలిసి, దిల్ ధడక్ నే దో చిత్రంలో కలిసి నటించాడు ఈ సీనియర్ స్టార్, రణ్ వీర్ ప్రియాంక చోప్రాలకు తండ్రిగా నటించి.. అందరినీ మెప్పించాడు. అలా రీల్ తండ్రీకొడుకులు ఒకరినొకరు పొగిడేసుకున్నారు. అయితే ఇక్కడో విషయం చెప్పాలి. అనిల్‌ కపూర్‌ భార్య సునీత అన్నయ్య కొడుకే ఈ రణవీర్‌ సింగ్‌. అదీ కథ!!