మా సినిమాలో మెగా హీరో లేడు

టాలీవుడ్ మాస్ మహా రాజా రవి తేజ కెరీర్ లోనే 'రాజా ది గ్రేట్' కీలకంగా మారనుంది. అనిల్ రావి పూడి దర్శకత్వం వహించిన ఈ సినిమా ఈ నెల 18న ప్రేక్షకుల ముందుకు రానుంది. అయితే ఈ సినిమా పై గత కొన్ని రోజులుగా కొన్ని రూమర్స్ వస్తున్నాయి. మెగా హీరో ఈ సినిమాలో గెస్ట్ రోల్ చేయబోతున్నాడని చాలా కామెంట్స్ చాలా వినిపించాయి.

ఆ రూమర్స్ పై రాజా ది గ్రేట్ దర్శకుడు అనిల్ రావిపూడి తాజాగా క్లారిటీ ఇచ్చాడు. సినిమాలో ఏ హీరో స్పెషల్ రోల్ చేయడం లేదని చెప్పాడు. గత కొన్ని రోజుల క్రితం సాయి ధరమ్ తేజ్ సెట్స్ లోకి వచ్చిన విషయం వాస్తవమే. కానీ అతను కేవలం తనని వ్యక్తిగతంగా కలవడానికి మాత్రమే వచ్చారని దర్శకుడు చెప్పాడు. రాజా ది గ్రేట్ సినిమా లో స్పెషల్ సాంగ్ షూట్ జరుగుతున్నప్పుడు సెట్స్ లోకి సాయి ధరమ్ తేజ్ అండ్ హీరోయిన్ రాశి ఖన్నా వచ్చారు. అప్పుడు దర్శకుడు వారితో సెల్ఫీ దిగాడు. దీంతో మెగా హీరో సినిమాలో స్పెషల్ రోల్ చేస్తున్నాడని కొన్ని మీడియాల్లో వార్తలు వచ్చాయి. కానీ ఫైనల్ గా దర్శకుడు వాటికి చెక్ పెట్టాడు. అయితే రాశి ఖన్నా మాత్రం స్పెషల్ సాంగ్ లో కనిపిస్తుందని తెలిపాడు.

అనిల్ రావి పూడి - సాయి ధరమ్ తేజ్ కాంబినేషన్ లో ఇంతకుముందు సుప్రీమ్ సినిమా వచ్చింది. అప్పటి నుండి వారు క్లోజ్ గా ఉంటున్నారు. ఇక దిల్ రాజు ప్రొడక్షన్ లో తెరకెక్కితున్న రాజా ది గ్రేట్ సినిమాపై ప్రస్తుతం అంచనాలు బాగానే ఉన్నాయి. మరి రవి తేజ కెరీర్ కి ఈ సినిమా ఎంతవరకు బూస్ట్ ని ఇస్తుందో చూడాలి.