బాల‌య్య బ్లాక్ బ‌స్ట‌ర్ డైరెక్టర్ ని వెయింటింగ్ లో పెట్టారా?

నంద‌మూరి బాల‌కృష్ణ `అఖండ‌` బ్లాక్ బ‌స్ట‌ర్ హిట్ త‌రువాత మాంచి జోరు చూపిస్తున్నారు. ఆహా ఓటీటీ కోసం టాక్ షో చేస్తూనే గోపీచంద్ మ‌లినేని తో `వీర సింహారెడ్డి`ని చ‌క చ‌కా పూర్తి చేస్తున్నారు. టాలీవుడ్ స్టార్ ప్రొడ‌క్ష‌న్ కంప‌నీ మైత్రీ మూవీ మేక‌ర్స్ అత్యంత భారీ స్థాయిలో ఈ మూవీని నిర్మిస్తోంది. శృతిహాస‌న్ హీరోయిన్ గా న‌టిస్తున్న ఈ మూవీలో బాల‌కృష్ణ ద్విపాత్రాభిన‌యం చేస్తున్నారు. ఇందులో సాల్ట్ అండ్ పెప్ప‌ర్ లుక్ లో ప‌వ‌ర్ ఫుల్ గా క‌నిపిస్తున్న బాల‌య్య లుక్ ఫ్యాన్స్ తో పాటు సినీ ప్రియుల్లో సినిమాపై అంచ‌నాల్ని పెంచేసింది.

ఇదిలా వుంటే ఈ మూవీని 2023 సంక్రాంతికి విడుద‌ల చేయ‌బోతున్నారు. చిరుతో కలిసి బాల‌య్య కొన్నేళ్ల విరామం త‌రువాత సంక్రాంతి బ‌రిలో పోటీకి దిగుతుండ‌టంతో ఈ మూవీ ట్రైల‌ర్ ఎప్పుడెప్పుడు రిలీజ్ అవుతుందా? బాల‌య్య సినిమాలో ఏ రేంజ్ లో పూన‌కాలు తెప్పించ‌బోతున్నాడా? అని నంద‌మూరి అభిమానులు ఆ స‌క్తిగా ఎదురుచూస్తున్నారు. ఇదిలా వుంటే ఈ మూవీ త‌రువాత నంద‌మూరి బాల‌కృష్ణ .. బ్లాక్ బ‌స్ట‌ర్ డైరెక్ట‌ర్ అనిల్ రావిపూడి డైరెక్ష‌న్ లో ఓ భారీ యాక్ష‌న్ ఎంట‌ర్ టైన‌ర్ ని చేయ‌డానికి గ్రీన్ సిగ్న‌ల్ ఇచ్చిన విష‌యం తెలిసిందే.

షైన్ స్క్రీన్స్ బ్యాన‌ర్ పై ఈ మూవీని సాహు గార‌పాటి, హ‌రీష్ పెద్ది నిర్మించ‌బోతున్నారు. అయితే ఈ మూవీకి స్మాల్ బ్రేక్ ప‌డిన‌ట్టుగా తెలుస్తోంది. `వీర సింహారెడ్డి` పూర్త‌వగానే అనిల్ రావిపూడి సినిమాని ప‌ట్టాలెక్కించాల‌నుకున్నారు బాల‌య్య‌. కానీ `వీర‌సింహారెడ్డి` చిత్ర బృందంలో ప‌ని చేసిన వారు చాలా వ‌ర‌కు క‌రోనాతో ఎఫెక్ట్ అయ్యారు. మ‌ళ్లీ కోలుకుని షూటింగ్ ప్రారంభించినా మ‌రో సారి క‌రోనా బారిన ప‌డ‌టంతో `వీర‌సింహారెడ్డి` షూటింగ్ ఆల‌స్యం అవుతూ వ‌చ్చింది.

సంక్రాంతి బ‌రిలో దిగ‌డానికి రిలీజ్ టైమ్ ని మేక‌ర్స్ ఇప్ప‌టికే ప్ర‌క‌టించినా ఇప్ప‌టికీ కొంత మేజర్ పార్ట్ షూటింగ్ పెండింగ్ లో వుంద‌ట‌. అది పూర్తి కావాలంటే మ‌రో నెల రోజుల స‌మ‌యం ప‌డుతుంద‌ని తెలుస్తోంది.

ఆ కార‌ణంగానే అనిల రావిపూడి ప్రాజెక్ట్ మ‌రింత ఆల‌స్య‌మ‌య్యే అవ‌కాశాలే ఎక్కువ‌గా క‌నిపిస్తున్నాయ‌ని, డిసెంబ‌ర్ లో బాల‌య్య కొంత విశ్రాంతి తీసుకోవాలి. ఆ త‌రువాతే అనిల్ సినిమాకు గ్రీన్ సిగ్న‌ల్ ఇస్తారు. అంతే డిసెంబ‌ర్ కాకుండా వ‌చ్చే ఏడాదిలోనే ఈ మూవీ ప‌ట్టాలెక్క‌నుంద‌ని, అంత వ‌ర‌కు వేచి వుండ‌మ‌ని హీరో బాల‌య్య ద‌ర్శ‌కుడు అనిల్ ని కోరిన‌ట్టుగా ఇన్ సైడ్ టాక్‌.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.