అబ్బే.. అసలు స్టోరీ చెప్పలేదు

టాలీవుడ్ లో సత్తా చాటేందుకు కొత్త దర్శకులు వస్తూనే ఉంటారు. కానీ ఆరంభం నుంచి ప్రతీ సినిమాను సక్సెస్ తీరాలకు చేర్చే సత్తా మాత్రం అతి కొద్ది మందికే ఉంటుంది. రీసెంట్ గా వచ్చిన రవితేజ మూవీ రాజా ది గ్రేట్ తో.. హ్యాట్రిక్ కొట్టేశాడు అనిల్ రావిపూడి. మొదట పటాస్.. ఆ తర్వాత సుప్రీమ్.. ఇప్పుడు రాజా ది గ్రేట్ చిత్రాలతో.. తన ట్యాలెంట్ ఎలాంటిదో చాటి చెప్పాడు ఈ దర్శకుడు.

తొలి మూడు చిత్రాలతో హిట్స్ కొట్టిన అరుదైన దర్శకుల జాబితాలో తన పేరు చేర్చుకున్న అనిల్ రావిపూడి.. ఇప్పటికే తన మరుసటి మూవీ మల్టీ స్టారర్ అని చెప్పేశాడు. ఎఫ్2.. అంటే ఫన్ అండ్ ఫ్రస్టేషన్ అంటూ ఇద్దరు హీరోలతో సినిమా చేయనున్నట్లు అనిల్ రావిపూడి చెప్పగా.. ఈ సినిమాలో వెంకటేష్.. సాయి ధరం తేజ్ నటిస్తారనే టాక్ వినిపించింది. కానీ తన సినిమాపై లేటెస్ట్ అప్ డేట్ ఇచ్చాడు అనిల్ రావిపూడి. తాను మల్టీస్టారర్ తీయదలచుకున్న మాట వాస్తవమే అయినా.. ఇంకా టైటిల్ కానీ.. నటీనటులను కానీ ఫైనల్ చేయలేదని తెలిపాడు.

ప్రస్తుతం మీడియాలో వినిపిస్తున్న పేర్లు అన్నీ ఊహాగానాలు మాత్రమే అని.. తాను ఇంకా ఎవరినీ కలిసి స్టోరీ చెప్పలేదన్న అనిల్ రావిపూడి.. తను ఆయా క్యారెక్టర్లకు అనుకుంటున్న హీరోలతో చర్చలు నిర్వహించిన తర్వాత.. క్యాస్టింగ్ పై అఫీషియల్ గా అనౌన్స్ మెంట్ చేస్తానని చెబుతున్నాడు. కామెడీ సీన్స్ రాసుకోవడంలో.. తనదైన ప్రతిభ చాటుతున్న అనిల్ రావిపూడి.. తన తర్వాతి మూవీని కూడా దిల్ రాజు బ్యానర్ పైనే చేసే అవకాశాలు ఉన్నాయి.