మెగా హీరోలతో మల్టీస్టారర్??

దర్శకుడు అనిల్ రావిపూడి ఇప్పుడు ఫుల్ జోష్ లో ఉన్నాడు. రాజా ది గ్రేట్ మూవీతో మంచి సక్సెస్ నే అందుకున్న ఈ దర్శకుడు.. హ్యాట్రిక్ కొట్టేశాడు. మొదట పటాస్.. ఆ తర్వాత సుప్రీమ్.. ఇప్పుడు రాజా ది గ్రేట్ లతో.. హ్యాట్రిక్ హిట్స్ సాధించాడు అనిల్ రావిపూడి.

ఇప్పుడీ దర్శకుడు తన కొత్త ప్రాజెక్టుపై పనులు మొదలుపెట్టేశాడు. ఈ సారి కూడా దిల్ రాజుకే సినిమా చేయనుండగా.. ఈ సారి మల్టీస్టారర్ చేయాలనే ఆలోచన చెప్పేశాడు అనిల్ రావిపూడి. ఇద్దరు హీరోలకు సమానమైన ప్రాధాన్యం ఉండే ఇంట్రెస్టింగ్ స్క్రిప్ట్ ప్రిపేర్ చేస్తున్నాడని తెలుస్తోంది. అయితే.. ఈ ప్రాజెక్టులో మెగా హీరోలను భాగం చేయాలని చూస్తున్నట్లు తెలుస్తోంది. టాప్ రేంజ్ హీరోలు కాకపోయినా.. మీడియం రేంజ్ హీరోలకు స్క్రిప్ట్ వినిపించాలని భావిస్తున్నాడట.

ప్రొడ్యూసర్ దిల్ రాజు కావడంతో.. మెగా హీరోలను ఒప్పించడం పెద్దగా కష్టం కాదనే అంచనాలున్నాయి. ఒకవేళ ఇది సాధ్యం కాకపోతే మాత్రం.. అపుడు మిడ్ రేంజ్ హీరోల్లో మంచి బూమ్ లో ఉన్నవారిని తీసుకోవాలని చూస్తున్నాడట అనిల్ రావిపూడి. తన కామెడీ పంచ్ లతో ఇప్పటికే మూడు సార్లు హిట్స్ కొట్టేసిన ట్యాలెంట్ ఉండడంతో.. ఈ దర్శకుడు రూపొందించే మల్టీస్టారర్ ముందు నుంచే ఆసక్తి కలిగిస్తోంది.