అనిల్ రావిపూడి కి ఆ ఇద్దరు కావాలంట..?

టాలీవుడ్ లో వరుస హిట్లతో దూసుకు పోతున్న డైరెక్టర్ అనిల్ రావిపూడి. పటాస్ సినిమా నుండి మొదలుకొని ఇటీవలి సరిలేరు నీకెవ్వరూ వరకు సూపర్ హిట్లను తన ఖాతాలో వేసుకున్నాడు. ప్రస్తుతం అనిల్ ఎఫ్2 సినిమా సీక్వెల్ పై ప్లానింగ్ లో ఉన్నాడట. అయితే అనిల్ కి ఎప్పటినుండో నందమూరి బాలయ్య బాబుతో సినిమా చేయాలనీ ఉందట. బాలయ్య కోసం కథ కూడా ప్లాన్ చేసి దానికి 'రామారావు' అని టైటిల్ అనుకుంటున్నట్లు సమాచారం.

ఇక ఇప్పటివరకు అనిల్ రావిపూడి డైరెక్ట్ చేసిన సినిమాలతో హీరోలకు, నిర్మాతలకు పేరొచ్చింది కానీ అనిల్ కి మాత్రం సరైన పేరు రాలేదని సినీ వర్గాలు భావిస్తున్నాయి. అనిల్ కి నందమూరి ఫ్యామిలీ మీద అపారమైన అభిమానం ఉందట. ఎందుకంటే తన మొదటి సినిమా పటాస్ తో కళ్యాణ్ రామ్ అవకాశం ఇచ్చాడు. ఇక అనిల్ బాలయ్య బాబుతో చేయాలనీ చాలా ఉత్సాహంగా ఉన్నాడట. అంతేగాక కుదిరితే బాలయ్య బాబు కొడుకు మోక్షజ్ఞతో కూడా సినిమా చేయడానికి సిద్ధంగా ఉన్నట్లు టాలీవుడ్ కోడై కూస్తుంది.