సూపర్ స్టార్ ఆఫర్ ని తిరస్కరించిన యంగ్ డైరెక్టర్?

సూపర్ స్టార్ మహేష్ బాబు 'భరత్ అనే నేను' - 'మహర్షి' - 'సరిలేరు నీకెవ్వరూ' వంటి హ్యాట్రిక్ బ్లాక్ బస్టర్ విజయాలతో మంచి దూకుడు మీదున్నాడు. ప్రస్తుతం మహేష్ తన 27వ చిత్రంగా 'గీతగోవిందం' వంటి సూపర్ హిట్ చిత్రాన్ని అందించిన పరశురామ్ తో చేస్తున్నట్లు సమాచారం. దీనికి సంబంధించిన ఆఫిసిఅల్ అనౌన్స్ మెంట్ రానప్పటికీ ఈ సినిమానే తన నెక్స్ట్ సినిమా అని ఇండస్ట్రీలో అనుకుంటున్నారు. ఇదిలా ఉండగా మహేష్ బాబు తన 28వ చిత్రానికి దర్శకత్వ బాధ్యతలను అనిల్ రావిపూడికి అందించాడంట. 'సరిలేరు నీకెవ్వరూ' లాంటి విజయవంతమైన చిత్రాన్ని అందించిన అనిల్ అయితేనే తన తదుపరి సినిమాకి కరెక్ట్ అని మహేష్ భావించాడట. దీనికి సంబంధించి మూడు నెలల్లో ఒక మంచి స్క్రిప్ట్ రెడీ చేయమని సూచించాడంట.

అయితే అంత తక్కువ టైంలో క్వాలిటీ స్క్రిప్ట్ అందించడం కష్టమని భావించిన అనిల్ ఈ ఆఫర్ ని సున్నితంగా తిరస్కరించి బాబుకు షాక్ ఇచ్చాడంట. ఎక్కువ సమయమిస్తే క్వాలిటీ విషయంలో కంప్రమైస్ కాకుండా మంచి స్క్రిప్ట్ ఇస్తానని తెలిపాడంట. సాధారణంగా అనిల్ రావిపూడి కంప్లీట్ స్క్రిప్ట్ వర్క్ అయిపోయిన తర్వాతే హీరోని ఫైనలైజ్ చేసుకుంటాడు. ఒకవేళ మహేష్ ఎక్కువ టైం ఇస్తే హీరోని ఊహించుకొని ఎలాంటి స్క్రిప్ట్ రెడీ చేస్తాడో మరి. ఇదే కనుక నిజమై వీళ్ళ కాంబినేషన్లో మరో మూవీ పడితే బాక్సాఫీస్ షేక్ అవుద్దని అభిమానులు చెప్పుకుంటున్నారు. ప్రస్తుతం సరిలేరు నీకెవ్వరు సినిమా సక్సెస్ ని ఎంజాయ్ చేస్తున్న అనిల్ రావిపూడి ఎఫ్-2 కి సీక్వెల్ ఎఫ్-3 సినిమా చేసే పనిలో బిజీగా ఉన్నట్టుగా తెలుస్తోంది. ఇక ఇందులో హీరోలుగా ఎఫ్ 2లో నటించిన వెంకటేశ్ వరుణ్ తేజ్ లే నటించనున్నారు. వీరికి తోడుగా మరో హీరోగా మహేష్ బాబు జత కానున్నాడని అప్పట్లో పుకారు షికారు చేసింది. ఈ సినిమాని శ్రీ వెంకటేశ్వర క్రియేషన్స్ పతాకంపై దిల్ రాజు నిర్మించనున్నారు. ప్రస్తుతం స్క్రిప్ట్ వర్క్ జరుగుతున్న ఈ సినిమా త్వరలో సెట్స్ పైకి వెళ్లనుంది.