'గాలిసంపత్' పేరు వెనక కథ అదే: డైరెక్టర్ అనిల్

టాలీవుడ్ సక్సెస్ ఫుల్ డైరెక్టర్ అనిల్ రావిపూడి ప్రస్తుతం తను స్క్రీన్ ప్లే అందించి, దర్శకత్వ పర్యవేక్షణ చేసిన 'గాలిసంపత్' సినిమా ప్రమోషన్స్ తో చాలా బిజీగా ఉన్నాడు. అయితే ఇటీవలే ఈ సినిమా ప్రీ-రిలీజ్ వేడుక కూడా జరిపారు మేకర్స్. శివరాత్రి సందర్బంగా ఈ సినిమా మార్చ్ 11న ప్రేక్షకుల ముందుకు రాబోతుంది. అయితే ఈ సినిమా పై ఎవరికీ వారే పలు ఊహగానాలు సృష్టించుకుంటున్నారు. ఈ నేపథ్యంలో అనిల్ రావిపూడి.. 'గాలిసంపత్' సినిమా గురించి పలు విషయాలను బయటపెట్టాడు. అయితే అనిల్ ఈ భాగం అవ్వడానికి కారణాలు ఏంటో కూడా చెప్పేసాడు. నిజానికి ఈ సినిమా కాన్సెప్ట్ నాకు బాగా నచ్చింది. నాకు ఎక్సపరిమెంటల్ ఫిలిమ్స్ చేయడం చాలా ఇష్టం. ఆ విధంగానే రవితేజ గారితో 'రాజా ది గ్రేట్' మూవీలో బ్లైండ్ రోల్ చేయించాను. నిజానికి అది చాలా పెద్దరిస్క్. ఇప్పుడు గాలిసంపత్ మేకర్ నా ఫ్రెండ్. అతను నన్ను మెంటర్ గా కోరుకున్నాడు. అందుకే నేను నా వంతు కృషి చేసాను.

గాలిసంపత్ సినిమా గురించి మాట్లాడుతూ.. 'ఇది పాత్ బ్రేకింగ్ ఫిల్మ్ అని నేను అనను కానీ ఇప్పటివరకు తెలుగు తెరపై ఇలాంటి కాన్సెప్ట్ రాలేదని బలంగా చెప్పగలను. ఈ సినిమాలోని క్లైమాక్స్ వర్కౌట్ అయితే మాత్రం సినిమా పెద్ద సక్సెస్ అవుతుంది. ఈ సినిమాకోసం నా పేరుతో ప్రజలను తప్పుదారి పట్టించాలని లేదు. కాకపోతే నేను తీసే రొటీన్ స్టైల్‌లో లేని తండ్రి - కొడుకుల డ్రామా అని చచెప్పుకోవచ్చు. ఒక గొయneయిలో పడిన మూగమనిషి దానిలో నుండి ఎలా బయటపడ్డాడు..? అనేదే మెయిన్ పాయింట్' అన్నాడు. అయితే రాజేంద్రప్రసాద్ ఆల్ ఇండియా రేడియో(ఏఐఆర్)లో పనిచేస్తారని.. అందుకే గాలిసంపత్ అనే టైటిల్ పెట్టారనేది నిజమేనా..? దీనికి సమాధానంగా అనిల్.. 'నేనిప్పుడే సినిమా గురించి పెద్దగా చెప్పలేను. కానీ నిజంగానే అతను రేడియోలో పనిచేస్తాడు. ఆ విషయం సెకండ్ హాఫ్ లో వెల్లడిస్తాము. రాజేంద్రప్రసాద్ మూగవాడు అయ్యేందుకు చాలా పెద్దస్టోరి ఉంది. అది తెరమీదే చూడండి' అంటూ చెప్పుకొచ్చాడు అనిల్ రావిపూడి. ప్రస్తుతం అనిల్ ఎఫ్3 మూవీ తెరకెక్కిస్తున్నాడు.