మోక్షజ్ఞ ఎంట్రీ దర్శకుడు ఫిక్స్‌ అయినట్లేనా?

నందమూరి బాలకృష్ణ నట వారసుడిగా మోక్షజ్ఞ ఎంట్రీ ఇవ్వడం ఖాయం అని ఫ్యాన్స్‌ చాలా కాలంగా నమ్మకంగా ఎదురు చూస్తున్నారు. ఎన్టీఆర్‌ స్థాయి స్టార్‌ డంతో మోక్షజ్ఞ కొత్త యంగ్‌ స్టార్‌ హీరోలకు గట్టి పోటీ ఇస్తాడని ఆసక్తిగా ఎదురు చూస్తున్న సమయంలో ఇదుగో అదుగో అంటూ మోక్షజ్ఞ ఎంట్రీని వాయిదా వేస్తూ వచ్చారు. ఈ ఏడాదిలో మోక్షజ్ఞ ఎంట్రీ ఉంటుందని అనుకున్నారు. కాని పరిస్థితులు అందుకు అనుకూలించే అవకాశం కనిపించడం లేదు.

వచ్చే ఏడాదిలో మోక్షజ్ఞ ఖచ్చితంగా హీరోగా ఎంట్రీ ఇవ్వబోతున్నట్లుగా తాజాగా బాలకృష్ణ ఒక మీడియా సంస్థతో ఆఫ్‌ ది రికార్డు మాట్లాడుతూ వ్యాఖ్యలు చేశాడు. ప్రస్తుతం సినిమాకు సంబంధించిన కథలు వింటున్నారట. సాయి మాధవ్‌ బుర్ర ఇప్పటికే కొన్ని కథలను మోక్షజ్ఞ కోసం రెడీ చేశాడని తెలుస్తోంది. బాలకృష్ణ చాలా రోజుల క్రితమే మోక్షజ్ఞ కోసం కథలు రాయాల్సిందిగా సాయి మాధవ్‌ కు చెప్పడం జరిగింది. ఆయన ఇప్పటికే కొన్ని కథలు సిద్దం చేయడం జరిగిందట.

ఆ కథల్లో ఒక కథతో అనీల్‌ రావిపూడి దర్శకత్వంలో సినిమా చేసే అవకాశం ఉందని తెలుస్తోంది. ప్రముఖ నిర్మాత ఒకరు మోక్షజ్ఞను పరిచయం చేసేందుకు చాలా ఇంట్రెస్ట్‌ గా ఉన్నారట. ఇప్పటికే ఆ నిర్మాతకు బాలయ్య ఓకే చెప్పాడని కూడా టాక్‌ వినిపిస్తుంది. మొత్తానికి నందమూరి బాలకృష్ణ తనయుడు మోక్షజ్ఞ వచ్చే ఏడాది కెమెరా ముందుకు రానున్నాడు.. ఆ తర్వాత సంవత్సరం అంటే 2022లో ప్రేక్షకుల ముందుకు వచ్చే అవకాశం ఉందని ఇండస్ట్రీ వర్గాల వారు నమ్మకంగా చెబుతున్నారు.