అన్నీ`భోళా శంక‌ర్` త‌రువాతే అంటున్నారు

మెగా స్టార్ తో సినిమా చేయాల‌ని ఎంతో మంది డైరెక్ట‌ర్ లు , నిర్మాత‌లు ఆశ‌గా ఎదురుచూస్తుంటారు. ఒక్క సినిమా అయినా ఆయ‌న‌తో క‌లిసి ప‌ని చేసే అవ‌కాశం కోసం ఎదురుచూస్తుంటారు. చిరు అంటే అంత క్రేజ్‌. అలాంటి చిరుతో సినిమా చేసే అవ‌కాశం వ‌స్తే... ఆ డైరెక్ట‌ర్, నిర్మాత తీసుకునే కేర్ అంతా ఇంతా కాదు. ఆ సినిమా పూర్త‌య్యే వ‌ర‌కు అదే త‌మ ప్ర‌పంచంగా భావిస్తూ దాని కోస‌మే శ్ర‌మిస్తుంటారు. ఇప్పుడు ఇదే ప‌రిస్థితిలో వున్నారు ఓ స్టార్ ప్రొడ్యూస‌ర్‌.

ఆయ‌నే అనిల్ సుంక‌ర‌. ఏకే ఎంట‌ర్‌టైన్‌మెంట్స్ బ్యాన‌ర్ పై మ‌హేష్ బాబుతో `స‌రిలేరు నీకెవ్వ‌రు` వంటి బారీ చిత్రాన్ని తెర‌కెక్కించి సోలోగా భారీ లీగ్ లోకి ఎంట్రీ ఇచ్చిన అనిల్ సుంక‌ర ప్ర‌స్తుతం మెగాస్టార్ చిరంజీవి హీరోగా `భోళా శంక‌ర్‌` మూవీని నిర్మిస్తున్నారు. అజిత్ న‌టించిన త‌మిళ బ్లాక్ బ‌స్ట‌ర్ `వేదాలం` ఆధారంగా ఈ మూవీని రీమేక్ చేస్తున్నారు. మెహ‌ర్ ర‌మేష్ ద‌ర్శ‌క‌త్వం వ‌హిస్తున్నారు.

చిరుకు జోడీగా మిల్కీ బ్యూటీ త‌మ‌న్నా హీరోయిన్ గా న‌టిస్తుండ‌గా, చిరుకు సోద‌రిగా కీర్తి సురేష్ క‌నిపించ‌బోతోంది. ప్ర‌స్తుతం ఈ మూవీ షూటింగ్ ద‌శ‌లో వుంది. గ‌త కొన్ని నెల‌లుగా ఏకే ఎంట‌ర్ టైన్‌మెంట్స్ అధినేత అనిల్ సుంక‌ర ఈ మూవీ ప‌నుల్లోనే బిజీగా వున్నారు. మెగాస్టార్ మూవీ కావ‌డంతో ఈ సినిమా త‌ప్ప మ‌రో సినిమా గురించి ఆలోచించ‌డం లేదంట‌.

అన్ని `భోళా శంక‌ర్‌` త‌రువాతే అని ఎవ‌రు అడిగినా ఏకే ఎంట‌ర్‌టైన్‌మెంట్స్ టీమ్ చెబుతున్నార‌ట‌. ఫుల్ ఫోక‌స్‌చిరు మూవీపై పెట్టి ఎలాగైనా ఈ మూవీతో బ్లాక్ బ‌స్ట‌ర్ హిట్ ని సొంతం చేసుకోవాల‌ని భావిస్తున్నార‌ట అనిల్ సుంక‌ర‌. `స‌రి లేరు నీకెవ్వ‌రు` మూవీతో బ్లాక్ బ‌స్ట‌ర్ ని సోలో ప్రొడ్యూస‌ర్ గా సొంతం చేసుకున్న ఆయ‌న `భోళా శంక‌ర్‌`తోనూ అంత‌కు మించిన హిట్ ని ద‌క్కించుకోవాల‌ని ఇండ‌స్ట్రీ వ‌ర్గాలు అంటున్నాయి.