ఖాన్-అట్లీ! AR రెహమాన్ సంగీతం.. అనిరుధ్ RR!!

కింగ్ ఖాన్ షారూక్ క‌థానాయ‌కుడిగా అట్లీ తెర‌కెక్కిస్తున్న తాజా చిత్రం జాతీయ స్థాయిలో చ‌ర్చ‌నీయాంశ‌మైంది. ద‌శాబ్ధాల పాటు సాగిన‌ త‌న విజ‌య‌వంత‌మైన కెరీర్ లో ఏనాడూ షారూక్ ద‌క్షిణాది ద‌ర్శ‌కుల‌కు ప్రాధాన్య‌త‌నిచ్చిన‌ది లేదు. కానీ ఇప్పుడు ఖాన్ కూడా రూటు మార్చాడు. నేటిత‌రం ద‌ర్శ‌కుడు అట్లీ నిర్ధేశ‌నంలో భారీ చిత్రంలో న‌టిస్తున్నారు. దీనికోసం రెండేళ్లుగా ఎంగో గ్రౌండ్ వ‌ర్క్ జ‌రిగింది. ఈ ప్రాజెక్ట్ కొన్ని రోజుల క్రితం పూణేలో ప్రారంభమైంది. మేకర్స్ ప్రస్తుతం సినిమా ప్రధాన తారాగణంపై కొన్ని కీలక సన్నివేశాలను చిత్రీకరిస్తున్నారు. ఈ చిత్రంలో ద‌ళ‌ప‌తి విజ‌య్ మెరుపులాంటి పాత్ర‌లో క‌నిపిస్తార‌ని రానా ఓ కీల‌క పాత్ర‌ను పోషిస్తార‌ని కూడా క‌థ‌నాలొచ్చాయి.

తాజా స‌మాచారం మేర‌కు ఈ సినిమాకి ఇద్దరు మ్యూజిక్ కంపోజర్ లు ప‌ని చేస్తార‌ని తెలిసింది. ఆస్కార్ గ్ర‌హీత ఏఆర్ రెహమాన్ పాటలు కంపోజ్ చేయ‌నుండ‌గా.. యువ సంచలనం అనిరుధ్ రవిచందర్ బ్యాక్ గ్రౌండ్ స్కోర్ కంపోజ్ చేస్తారు. ఏఆర్ రెహమాన్ ఇదివ‌ర‌కూ అట్లీతో కలిసి మెర్సల్ - బిగిల్ సినిమాలకు పనిచేశారు. అతను దిల్ సే - జబ్ తక్ హై జాన్ వంటి సినిమాలకు షారుఖ్ తో కలిసి పనిచేశాడు. మరో వైపు SRK అట్లీ ఇద్దరితో అనిరుధ్ కు ఇది మొదటి సినిమా. ఈ చిత్రానికి తాత్కాలికంగా జవాన్ అనే టైటిల్ వినిపిస్తోంది. ఇందులో షారూఖ్ ద్విపాత్రాభినయం చేయ‌నున్నార‌ని తెలుస్తోంది. నయనతార- ప్రియమణి- సన్యా మల్హోత్రా- సునీల్ గ్రోవర్ -యోగి బాబు ఇతర కీలక పాత్రలు పోషిస్తున్నారు.

వార్ ఫేం సిద్ధార్థ్ ఆనంద్ దర్శకత్వం వహిస్తున్న పఠాన్ లో షారూక్ విభిన్న‌మైన గెట‌ప్ తో క‌నిపించ‌నున్నారు. దీపికా పదుకొనే మరియు జాన్ అబ్రహం ఇందులో ఇతర ప్రధాన పాత్రలు పోషిస్తున్నారు. రాజ్ కుమార్ హిరాణీతో వ‌లస‌దారుల‌పై భారీ చిత్రం చేయ‌నున్నారు.