ఇక క్రైమ్ థ్రిల్లర్ తో వస్తున్నాడు

యంగ్ హీరో రాజ్ తరుణ్ కొత్త సినిమాకి గ్రీన్ సిగ్నల్ ఇచ్చేశాడని తెలుస్తోంది. రొమాంటిక్ జోనర్ తో పాటు.. క్రైమ్ థ్రిల్లర్ యాంగిల్ లో సాగే ఓ చిత్రానికి.. కుర్ర హీరో ఓకే చెప్పాడని తెలుస్తోంది. ఈ సినిమాకి 'అలా ఎలా' అంటూ ఆకట్టుకున్న దర్శకుడు అనీష్ ఆర్. కృష్ణ దర్శకత్వం వహించబోతున్నాడు.

అలా ఎలా మూవీతో సక్సెస్ సాధించిన తర్వాత అనీష్ కి మంచి ఆఫర్స్ వచ్చాయ్ కానీ.. దేన్నీ పట్టాలెక్కించలేకపోయాడు. అల్లరి నరేష్ హీరోగా మలయాళ మూవీ 'ఒరు వడక్కన్ సెల్ఫీ' చిత్రాన్ని తెలుగులో రీమేక్ చేయాల్సి ఉండగా.. ఆ ప్రాజెక్ట్ ఆలస్యం అవుతూ వస్తోంది. దీంతో కొత్త స్క్రిప్ట్ రెడీ చేసుకున్న అనీష్ కృష్ణ.. నిర్మాత దిల్ రాజును కలిశాడట. ఈయన స్టోరీ లైనప్ కి ఇంప్రెస్ అయినా.. తను అనుకున్న హీరోకి తగినట్లుగాను.. కొన్ని కీలకమైన మార్పులను సూచించాడట. అంతే కాదు ఈ స్టోరీకి రాజ్ తరుణ్ హీరో అయితే బాగుంటుందని కూడా చెప్పాడట దిల్ రాజు.

రాజ్ తరుణ్ కి కూడా ఈ స్టోరీ నచ్చడంతో ఓకే చెప్పేశాడని తెలుస్తోంది. ప్రస్తుతానికి స్క్రిప్ట్ దశలోనే ఉన్నా.. మరో రెండు నెలల్లో ఈ సినిమా పట్టాలెక్కబోతోందని తెలుస్తోంది. అలా తన రెండో సినిమాని పక్కా చేసుకున్నాడు అలా ఎలా దర్శకుడు.

Like Us on Facebook : https://www.facebook.com/Tupakidotcom/