అనీషా అంత కష్టపడిపోతోందా?

అనీషా ఆంబ్రోస్ పేరు వినగానే పక్క రాష్ట్రం అమ్మాయి అనుకోవడంలో తప్పేమీ లేదు. కానీ ఈ బ్యూటీ మాత్రం అచ్చంగా విశాఖ పట్నానికి చెందిన అమ్మాయే. అలియాస్ జానకి అంటూ తెలిసు సినిమాతో అరంగేట్రం చేసిన ఈమె.. ప్రస్తుతం ఫ్యాషన్ డిజైనర్ సన్నాఫ్ లేడీస్ టైలర్ లో నటిస్తోంది. వంశీ దర్శకత్వంలో రూపొందిన ఈ మూవీలో.. తన భాగం షూటింగ్ ను పూర్తి చేసేసిన అనీషా.. ఇప్పుడు మరుసటి చిత్రంపై దృష్టి పెట్టేసింది.

మంచు మనోజ్ హీరోగా రూపొందుతోన్న ఒక్కడు మిగిలాడులో కీలక పాత్రలో నటించనుంది అనీషా ఆంబ్రోస్. ఎల్‌ టీటీఈ లీడర్ వేలుపిళ్లై ప్రభాకరన్ గా మనోజ్ నటిస్తన్న ఈ మూవీని.. శ్రీలంకలో జరిగిన సివిల్ వార్ ను బేస్ చేసుకుని తీస్తున్నారు. ఈ చిత్రంలో ఓ పాత్రికేయురాలిగా అనీషా నటించబోతోంది. ఇప్పటికే ఈ రియలిస్టిక్ పాత్రకు సిద్ధమైపోతోంది అనీషా ఆంబ్రోస్. జర్నలిస్ట్ గా నటించేందుకు సీరియస్ గా సిద్ధమవుతున్న అనీషా.. ఈ పాత్రకు న్యాయం చేసేందుకు తన వంతుగా కష్టపడుతోంది.

జర్నలిస్ట్ పాత్రను తనకు వచ్చినట్లుగా కాకుండా.. వాస్తవంగా యుద్ధం జరిగే ప్రాంతాల్లో జర్నలిస్ట్ లు ఎలా ప్రవర్తిస్తారనే విధంగానే చేయాలని అనీషా భావిస్తోంది. అందుకే పలు యుద్ధాలకు సంబంధించిన డాక్యుమెంటరీలను పదే పదే చూస్తూ.. యుద్ధ ప్రాంతం నుంచి రిపోర్టింగ్ చేసే జర్నలిస్టుల హావభావాలను.. నడతను సీరియస్ గా పరిశీలిస్తూ.. పట్టేయడానికి ప్రయత్నిస్తోంది అనీషా ఆంబ్రోస్.

Like Us on Facebook : https://www.facebook.com/Tupakidotcom/