పవన్ హీరోయిన్ కి ఇంకో ఛాన్స్

అనీషా ఆంబ్రోస్ పవన్ కళ్యాణ్ తో ఒక్క సినిమా కూడా చేయలేదు. అయినా సరే.. పవన్ హీరోయిన్ అనే స్టాంప్ మాత్రం పడిపోయింది. ఇందుకు కారణం.. సర్దార్ గబ్బర్ సింగ్ మూవీలో హీరోయిన్ అంటూ ఏడాదిపాటు జరిగిన ప్రచారమే.

చివరకు ఆ ఛాన్స్ కాజల్ కు వెళ్లిపోయినా సరే.. అనీషాకు మాత్రం గబ్బర్ సింగ్2 స్టాంప్ అలాగే కంటిన్యూ అయిపోయింది. అలియాస్ జానకి అంటూ టాలీవుడ్ కు పరిచయమైంది ఈ భామ. పవన్ హీరోయిన్ అనే స్టాంప్ తో సందీప్ కిషన్ మూవీ రన్ లో అవకాశం అయితే వచ్చింది కానీ.. ఆ సినిమా నిరుత్సాహపరిచింది. ఇప్పుడీ బ్యూటీకి మరో అవకాశం లభించింది.

మంచు మనోజ్ హీరోగా రూపొందుతోనున్న ఒక్కడు మిగిలాడు చిత్రంలో హీరోయిన్ గా అనీషా ఆంబ్రోస్ కు ఛాన్స్ వచ్చింది. ఈ చిత్రంలో రెజీనా కసాండ్రా కూడా మరో హీరోయిన్ గా నటిస్తుండగా.. మనోజ్ మూవీతో అయినా తనకు బ్రేక్ లభిస్తుందని.. అనీషా బోలెడన్ని ఆశలు పెట్టుకుంది.

Like Us on Facebook : https://www.facebook.com/Tupakidotcom/