ఫొటోటాక్‌ : బేబీ బంప్‌ తో తెలుగు హీరోయిన్‌

టాలీవుడ్‌ లో తెలుగమ్మాయిు హీరోయిన్‌ గా ఎంత ప్రయత్నించినా కూడా ఒక మోస్తరు వరకే సక్సెస్‌ పొందగలరు అనేది పలువురు హీరోయిన్స్‌ విషయంలో నిరూపితం అయ్యింది. అనీషా ఆంబ్రోస్‌ విషయంలో కూడా అదే రుజువయ్యింది. అందంతో పాటు అభినయంలో కూడా మంచి పేరు తెచ్చుకున్న ఈ అమ్మడు ఒకటి రెండు చిన్నా చితకా సినిమాల్లో నటించి ఆ తర్వాత పెళ్లి చేసుకుంది. అలియాస్‌ జానకి చిత్రంతో హీరోయిన్‌ గా పరిచయం అయిన ఈమెకు పవన్‌ కళ్యాణ్‌ సినిమాలో హీరోయిన్‌ గా ఛాన్స్‌ వచ్చిందని ప్రచారం జరిగింది.

సినిమా షూటింగ్‌ ఆలస్యం అవ్వడంతో పాటు పలు కారణాల వల్ల పవన్‌ మూవీలో నటించలేక పోయింది. గోపాల గోపాల చిత్రంలో మాత్రం చిన్న పాత్రను ఈ అమ్మడు దక్కించుకుంది. ఆ సినిమా తర్వాత ఈమె ఒకటి రెండు సినిమాల్లో నటించినా ఫేమ్‌ రాలేదు. దాంతో నిర్మాణరంగ వ్యాపారి అయిన గుణ జక్కను వివాహం చేసుకుని సెటిల్‌ అయ్యింది. తాజాగా ఈమె ప్రెగ్నెంట్‌ అంటూ మరో తెలుగు నటి అయిన తేజస్వి సోషల్‌ మీడియా ద్వారా తెలియజేసింది.

ఇన్‌ స్టాగ్రామ్‌ లో తేజస్వి ఈ ఫొటోను పోస్ట్‌ చేసింది. వీరిద్దరు మంచి స్నేహితులు చాలా కాలంగా వీరి మద్య స్నేహం కొనసాగుతుంది. అందుకే అనీషా ఆంబ్రోస్‌ తల్లికాబోతున్న విషయాన్ని తేజస్వి చాలా సంతోషంగా ఇలా సోషల్‌ మీడియాతో షేర్‌ చేసుకుంది. ఫొటోలో అనీషా బేబీ బంప్‌ ను గుణ ముద్దు పెడుతూ ఉండటం చూడవచ్చు. హీరోయిన్‌ గా సెటిల్‌ అవ్వలేక పోయినా ఒక మంచి గృహిణిగా తల్లిగా అనీషా సెటిల్‌ అవ్వాలని కోరుకుంటూ నెటిజన్స్‌ శుభాకాంక్షలు తెలియజేస్తున్నారు.