పాప ప్రమోషన్లకు రాదేంటో మరి

అసలు టాలీవుడ్ లో తెలుగు అమ్మాయిలు ఏరి అంటే.. అబ్బే ఎక్కడున్నారండీ.. అందరూ చెన్నయ్ లో బిజీగా ఉన్నారుగా అని చెప్పుకోవాల్సిన పరిస్థితి. అయితే ఒకప్పుడు అక్కడైనా బిజీగా ఉన్నారేమో కాని.. ఇప్పుడు మాత్రం శ్రీదివ్య.. స్వాతి.. బింధుమాదవి.. ఇషా.. మొదలగు మహిళలందరూ పక్క రాష్ట్రంలో కూడా ఖాళీగానే ఉన్నారు. ఒక్క రాజోలు పిల్ల అంజలి మాత్రమే అక్కడ కూడా కాస్త బిజీగా ఉంది.

మ్యాటర్ ఏంటంటే.. మరో రెండు రోజుల్లో అంజలి నటించిన ''చిత్రాంగద'' సినిమా విడుదలవుతోంది. గత ఏడాది సరైనోడు సినిమాలో ఐటెం సాంగులో మెరిసిన ఈ సుందరికి ఇదే తదుపరి సినిమా. అయినప్పటికీ ఇప్పటివరకు అమ్మడు సినిమాను కనీస మాత్రంగా ప్రమోట్ చేయడానికి కూడా ఇష్టపడట్టేదు. సినిమా రిలీజ్ చాలా లేటైన మాట వాస్తవమే కాని.. ఇప్పటివరకు కనీసం అమ్మడు ప్రమోషన్లకు రాకపోవడం మాత్రం బ్యాడ్ న్యూసే. సినిమా ఎలా ఉన్నప్పటికీ ప్రమోట్ చేస్తేనే కదా బజ్ అనేది పెరిగి కొద్దోగొప్పో ఓపెనింగులు వచ్చేది?

పిల్ల జమిందార్ డైరక్టర్ అశోక్ తీసిన ఈ సినిమాలో.. సూపర్ న్యాచురల్ ఎలిమెంట్స్ తో కూడిన కథ ఉందని ట్రైలర్ చూస్తే అర్ధమవుతోంది. సినిమా కాస్త డిఫరెంట్ గా ఉంటే చాలు.. హిట్టయ్యే ఛాన్సుంది. ఇలాంటి సినిమాను మరి ఎందుకు ప్రమోట్ చేయట్లేదో ఏంటో!!

Like Us on Facebook : https://www.facebook.com/Tupakidotcom/