అంజలి కోసం గ్రాఫిక్స్ వర్క్ రెడీ

రెండేళ్ల క్రితం 'గీతాంజలి' అంటూ తెలుగు సుందరి అంజలి బాగానే భయపెట్టింది. జనాలను భయపెట్టి బాక్సాఫీస్ దగ్గర బాగానే వసూలు చేసింది. అందం - అభినయం రెండూ ఉన్న అంజలి.. సోలోగా హిట్ కొట్టడంతో ఆ వెంటనే అవకాశాలు వెంటాడేశాయి. అన్నిటికీ కాకపోయినా.. అప్పట్లోనే హారర్ జోనర్ లో ఓ సినిమాని ఒప్పుకుంది అంజలి.

చిత్రాంగద అనే టైటిల్ తో తెరకెక్కిన ఓ చిత్రం చాలాభాగం పూర్తయ్యాక వార్తల్లో లేకుండా పోయింది. గతేడాది చివర్లోనే రిలీజ్ అవుతుందని అనుకుంటే.. అసలు అప్ డేట్ కూడా ఎక్కడా లేదు. ఇప్పుడు సడెన్ గా భయపెట్టేందుకు అంజలి రెడీ అనే విషయాన్ని దర్శకుడు చెప్పేశాడు. అశోక్ దర్శకత్వంలో రూపొందిన చిత్రాంగద.. తెలుగు - తమిళ్ భాషల్లో విడుదల చేయబోతున్నట్లు తెలిపాడు. ఈ సినిమా అంతా అంజలి చుట్టూనే తిరుగుతుందని.. హారర్ కాన్సెప్ట్ అయినా ఆడియన్స్ కు థ్రిల్ ఇస్తుందని అంటున్నాడు అశోక్.

'చిత్రాంగద ఆలస్యం కావడానికి కారణం గ్రాఫిక్ వర్క్ పూర్తి కాకపోవడమే. ప్రస్తుతం పోస్ట్ ప్రొడక్షన్ పనులు కూడా పూర్తి కాగా.. త్వరలో సెన్సార్ కి పంపబోతున్నాం. తెలుగు - తమిళ్ లో ఒకేసారి రిలీజ్ చేసేందుకు వీలుగా సరైన డేట్ కోసం ఎదురుచూస్తున్నాం' అంటున్నారు చిత్రాంగద మేకర్స్. జూలై మొదటి వారంలో చిత్రాంగద థియేటర్లలోకి వచ్చే అవకాశాలున్నాయి.