తెలుగమ్మాయి ఎంత స్లిమ్ అయ్యిందో

సౌత్ లో తెలుగు భామలు వెండితెరపై అంత ఎక్కువగా ప్రభావం చూపించారు అనేది అందరికి తెలిసిన విషయమే. అంతే కాకుండా ఎక్కువగా గ్లామర్ గా కనిపించినా అంతగా సెట్ అవ్వరనే కామెంట్స్ కూడా వినిపిస్తుంటాయి. అయితే చాలా రోజుల తర్వాత ఒక హీరోయిన్ మాత్రం సౌత్ లో మంచి గుర్తింపు తెచ్చుకుందనే చెప్పాలి. ఆమె ఎవరో ఇప్పటికే మీకు అర్ధమయ్యి ఉంటుంది.

తమిళ్ సినిమాతో వెండితెరకు ఎంట్రీ ఇచ్చిన అంజలి తెలుగులో అంతగా రాణించకపోయినా కూడా కోలీవుడ్ లో మాత్రం మంచి గుర్తింపును అందుకుంది. సంప్రదాయంగా కనిపిస్తూనే గ్లామర్ రోల్స్ ని కూడా టచ్ చేస్తోంది. అయితే గీతాంజలి సినిమాతో మంచి హిట్ అందుకున్న ఈ బ్యూటీ నంది అవార్డును కూడా అందుకుంది. ఇక ప్రస్తుతం తమిళ్ తెలుగులో తెరకెక్కుతోన్న బెలూన్ అనే మరో హారర్ థ్రిల్లర్ లో కూడా అమ్మడి నటన అందరికి నచ్చుతుందట. ఆ సినిమా ప్రస్తుతం పోస్ట్ ప్రొడక్షన్ పనుల్లో బిజీగా ఉంది. అయితే రీసెంట్ గా ప్రమోషన్స్ లో పాల్గొన్న అంజలిని చూసిన అందరు షాక్ అయ్యారు. ఎందుకంటే ఆమె చాలా స్లిమ్ గా రెడీ అయ్యిందిలే.

అయితే ఆ గ్లామర్ కోసం ఆమె చాలా కష్టపడిందట. మూడు నెలలు చాలా క్రమశిక్షణ తో వర్కౌట్స్ చేయడం వల్ల మూడు నెలల్లో దాదాపు 7 కిలోల బరువు తగ్గిందట. అంతే కాకుండా ఆమె ఎక్కువగా హైదరాబాద్ లోనే జిమ్ వర్కౌట్స్ చేశారట. ఈ సినిమాలో తన పాత్ర కూడా చాలా కొత్తగా ఉంటుందని అంజలి వివరించింది. మరి సినిమాకు అమ్మడి ఆకృతి ఎంత వరకు ఉపయోగపడుతుందో చూడాలి.