'వకీల్‌ సాబ్‌' కథలో మార్పుపై అంజలి కామెంట్స్‌

బాలీవుడ్‌ సూపర్‌ హిట్‌ మూవీ పింక్‌ ను ఇప్పటికే తమిళంలో అజిత్‌ హీరోగా రీమేక్‌ చేశారు. పింక్‌ తమిళ వర్షన్‌ కూడా మంచి విజయాన్ని సొంతం చేసుకున్న విషయం తెల్సిందే. పవన్‌ కళ్యాణ్‌ హీరోగా పింక్‌ రీమేక్‌ తెలుగులో వకీల్‌ సాబ్‌ గా రూపొందింది. హిందీ.. తమిళ పింక్‌ చిత్రాలకు విభిన్నంగా తెలుగు వకీల్‌ సాబ్‌ ఉంటుందని ట్రైలర్‌ మరియు పోస్టర్‌ లను చూస్తుంటే అనిపిస్తుంది. పైగా ఈ సినిమా లో హీరో పాత్రకు జోడీగా హీరోయిన్‌ ను నటింపజేస్తున్నారు. పింక్‌ లో లేని ఫ్ల్యాష్‌ బ్యాక్‌ ఎపిసోడ్‌ ను వకీల్‌ సాబ్‌ లో చేర్చడంతో నెటిజన్స్‌ కొందరు మొత్తం పింక్‌ ను మార్చేసి సినిమా అసలు ఫీల్‌ ను పోగొట్టి ఉంటారు. పింక్‌ వంటి సినిమా ను కమర్షియల్‌ ఎలిమెంట్స్‌ తో చూపించాలనుకోవడం ఏమాత్రం సరైన నిర్ణయం కాదంటూ కొందరు అభిప్రాయం వ్యక్తం చేస్తున్నారు.

వకీల్‌ సాబ్‌ కథలో జరిగిన మార్పులపై ఇప్పటికే యూనిట్‌ సభ్యులు స్పందిస్తూ సినిమా మెయిన్‌ స్ట్రీమ్‌ కథ అలాగే ఉంటుంది. పవన్‌ ఇమేజ్ కు తగ్గట్లుగా.. తెలుగు ప్రేక్షకుల నెటివిటీకి తగ్గట్లుగా కాస్త మార్పులు చేర్పులు చేసినట్లుగా చెబుతున్నారు. తాజాగా వకీల్‌ సాబ్‌ సినిమా ప్రమోషన్‌ లో సినిమాలో కీలక పాత్రలో నటించిన అంజలి మాట్లాడుతూ కథ గురించి స్పందించింది. సినిమా ను డబ్బింగ్‌ చెప్పే సమయంలో మరోసారి చూశాను. మార్పులు చాలానే ఉన్నాయి. కాని కథలోని ఆత్మ మాత్రం అలాగే ఉంది. తెలుగు ప్రేక్షకుల అభిరుచికి తగ్గట్లుగా సినిమాను మార్చారు. అయితే క్లైమాక్స్ మరియు కథ పూర్తిగా అలాగే ఉంటుంది. పింక్‌ కు ఒక మంచి రీమేక్‌ అన్నట్లుగా అంజలి అభిప్రాయం వ్యక్తం చేసింది.