అంజలి ఆ జర్నీకి 'జై' కొట్టేసింది

తెలుగమ్మాయి అంజలి ముందు కోలీవుడ్ లో గుర్తింపు సంపాదించి.. ఆ తర్వాత టాలీవుడ్ పేరు సంపాదించుకుంది. ఇక కెరీర్ పరుగులు పెట్టడమే ఆలస్యం అనుకున్న టైంలో.. రకరకాల రూమర్స్ ఈమెపై వచ్చాయి. వివాదాలతో చేతులారా కెరీర్ ని పాడుచేసుకుందనే కామెంట్స్ కూడా వినిపిస్తుంటాయి.

అయితే.. అంజలి పర్సనల్ లైఫ్ పై కూడా చాలానే రూమర్స్ ఉన్నాయి. ఓ డాక్టర్ ను పెళ్లి చేసుకోబోతోందనే మాట చాలా ఎక్కువగానే వినిపించినా.. ఆ విషయాన్ని ఖండించింది ఈ తెలుగమ్మాయి. ఇప్పుడు ఓ హీరోతో తన రిలేషన్ గురించి ఒప్పేసుకుంది అంజలి. ఇంతకీ ఆ కుర్ర హీరో ఎవరో కాదు.. జర్నీ మూవీలో అంజలికి జంటగా నటించిన తమిళ యాక్టర్ జై. జర్నీ మూవీ టైం నుంచి వీరిద్దరి మధ్య అనుబంధం మొదలై ఆ తర్వాత బలపడింది. ఇప్పుడు ఈ విషయం 'దోశ విత్ లవ్' కేంపెయిన్ తో బైటపడిపోయింది.

మగలిర్ మట్టుం మూవీ ప్రమోషన్స్ లో భాగంగా తనే దోశలు వేసి.. విక్రమ ప్రభు సహా నలుగురిగి దోశ ఛాలెంజ్ విసిరాడు సూర్య. విక్రమ్ ప్రభు ఈ దోశ ఛాలెంజ్ ను స్వీకరించడమే కాదు.. ఆ ఛాలెంజ్ ను యాక్టర్ జై కు విసిరాడు. ఇప్పుడు దోశ విత్ లవ్ అంటూ అంజలి కోసం దోశ వేసిన జై.. అధికారికంగా తమ ఇద్దరి మధ్య అనుబంధాన్ని బైట పెట్టేశాడు. మొత్తానికి జైతో లైఫ్ జర్నీకి జై కొట్టేసింది అంజలి.



Like Us on Facebook : https://www.facebook.com/Tupakidotcom/