జీరో సైజ్ లో తెలుగుభామ షాక్ ఇస్తోందే!

తెలుగు అమ్మాయి అంజలి మొదట్లో 'గీతాంజలి'.. 'సీతమ్మ వాకిట్లో సిరిమల్లె చెట్టు' లాంటి హిట్ సినిమాలతో మంచి గుర్తింపు సాధించింది. అయితే తర్వాత కొన్ని సినిమాలు ఫ్లాప్ కావడం... కెరీర్ స్లో కావడంతో కోలీవుడ్ కు షిఫ్ట్ అయిపోయింది. అక్కడ కెరీర్ జోరుగానే ఉంది. ఇప్పటికీ అవకాశాలు బాగానే ఉన్నాయి. అంజలి మొదట్లో కాస్త బొద్దుగానే ఉండేది.. మరీ జీరో సైజ్ భామేమీకాదు. ఆయితే ఇప్పుడు మాత్రం పూర్తిగా మారిపోయింది.

ఈతరంలోని ఇతర హీరోయిన్ల లాగా అంజలి సోషల్ మీడియాలో చాలా యాక్టివ్ గా ఉంటుంది. రెగ్యులర్ గా ఏదో ఒక అప్డేట్ ఇస్తూ అభిమానులతో నిత్యం టచ్ లో ఉంటుంది. తాజాగా అంజలి తన ఇన్స్టా ఖాతా ద్వారా కొన్ని ఫోటోలు పోస్ట్ చేసింది. ఈ ఫోటోలకు "2019 సంవత్సరానికి లాస్ట్ వీకెండ్ కు హలో" అంటూ క్యాప్షన్ ఇచ్చింది. ఈ ఫోటోలలో పగడపు రంగు టీ షర్టు.. బ్లాక్ ప్యాంట్ ధరించి ఒక స్కూటర్ తో పోజులిచ్చింది. చిరునవ్వులు రువ్వుతూ.. వారాంతం సమయం పూర్తిగా ఆస్వాదిస్తున్నాను అన్నట్టుగా భలేగా చేతులు పైకెత్తి.. స్కూటర్ హ్యాండిల్ పట్టుకుని డిఫరెంట్ గా పోజులిచ్చింది.

అయితే ఈ ఫోటోలలో హైలైట్ మాత్రం అంజలి స్లిమ్ నెస్సే. మరీ కాలేజి స్టూడెంట్ లాగా కనిపిస్తోంది. జీరో సైజ్ అంటే ఎప్పుడూ బాలీవుడ్ హీరోయిన్లకు మాత్రమే సాధ్యం అని ఇప్పటివరకూ అనుకున్నారు. తెలుగు భామలు కూడా ఇందులో ఎవరికీ తీసిపోరని.. మెరుపు తీగలాగా.. సన్నజాజిలా కనిపించగలరని నిరూపించింది. సినిమాల విషయానికి వస్తే అంజలి చేతిలో ఇప్పుడు కనీసం అరడజను ప్రాజెక్టులు ఉన్నాయి. తెలుగులో 'నిశ్శబ్దం'.. పవన్ కళ్యాణ్ 'పింక్' రీమేక్ సినిమాలలో నటిస్తోంది.