అంజలి అంత డేర్‌ చేస్తోందా??

షాపింగ్‌ మాల్‌ - జ‌ర్నీ - సీత‌మ్మ వాకిట్లో సిరిమ‌ల్లె చెట్టు - గీతాంజ‌లి వంటి విజ‌య‌వంత‌మైన సినిమాల్లో న‌టించింది అంజ‌లి. ముఖ్యంగా ఎస్‌ విఎస్‌ సి మూవీలో సీత క్యారెక్ట‌ర్‌ లో అదిరిపోయే అభిన‌యం ప్ర‌ద‌ర్శించింది. అందుకే ఇప్ప‌టికి తెలుగు ప్రేక్ష‌కులు అంజ‌లిని తెలుగింటి సీత‌మ్మ‌గానే ఆరాధిస్తున్నారు. అయితే అంజ‌లి మాత్రం ఎప్ప‌టిక‌ప్పుడు వైవిధ్యం ఉన్న క్యారెక్ట‌ర్ల వైపు మొగ్గు చూపిస్తూ కెరీర్‌ ని సాగిస్తోంది.

ఇటీవ‌లే శంక‌రాభ‌ర‌ణం సినిమాలో రివాల్వ‌ర్ రాణీగా న‌టించి ఆక‌ట్టుకుంది. అయితే ఆ సినిమా బాక్సాఫీస్ వ‌ద్ద అనూహ్యంగా ప‌రాజ‌యం పాలైంది. ఇప్పుడు లేటెస్టుగా కోలీవుడ్‌ లో ఓ ఇంట్రెస్టింగ్ క్యారెక్ట‌ర్ చేసేందుకు రెడీ అవుతోంది. మ‌ల‌యాళ సూప‌ర్‌ స్టార్ మమ్ముట్టి క‌థానాయ‌కుడిగా న‌టిస్తున్న ఈ చిత్రంలో అంజ‌లి ఓ వ్యభిచారిణిగా న‌టించ‌నుందని తెలుస్తోంది. ట్రాన్స్‌ జెండ‌ర్ ప్రాస్టిట్యూట్ క్యారెక్ట‌ర్ అని చెబుతున్నారు.

ఇదే నిజ‌మైతే.. ఈ పాత్ర‌లో న‌టించేందుకు బోలెడంత స్కోప్ ఉంటుంది. అభిన‌యం ప‌రంగానూ కొత్త‌ద‌నం చూపించే ఛాన్సుంది. అటు కోలీవుడ్‌ - ఇటు టాలీవుడ్‌ - మాలీవుడ్‌ లోనూ అంజ‌లికి ఐడెంటిటీ పెరుగుతుంది. మ‌రి ఈ ప్ర‌యోగం ఫ‌లిస్తే అంజ‌లి కెరీర్ ప‌రంగా జెట్ స్పీడ్ అందుకోవ‌డం ఖాయ‌మ‌నే చెబుతున్నారు. కాని రోల్‌ ఫ్లాప్‌ అయ్యిందో.. అంజలి కెరీర్‌ ప్రమాదంలో పడే ఛాన్సుంది. అన్నీ తెలిసి.. అంజలి అంత డేర్‌ చేస్తోందా మరి?