సాయిప‌ల్ల‌వి నిర్మాత ఆక‌స్మిక మృతి

టాలీవుడ్ లో వ‌రుస మ‌రణాలు విషాదం నింపుతున్న సంగ‌తి తెలిసిందే. ఇప్ప‌టికే ప‌లువురు నిర్మాత‌లు ద‌ర్శ‌కులు క‌రోనా సోకి మృతి చెందారు. ఇటీవ‌లే ఇండ‌స్ట్రీ ప్ర‌ముఖ పీఆర్వో కం నిర్మాత బీఏ రాజు ఆక‌స్మిక మ‌ర‌ణం క‌ల‌చివేసింది.

ఇప్పుడు మ‌రో నిర్మాత ఆక‌స్మికంగా గుండె పోటుతో మృతి చెందారు. సాయిప‌ల్ల‌వి న‌టించిన అనువాద చిత్రం `అనుకోని అతిథి`కి తెలుగులో నిర్మాతగా వ్యవహరించిన అన్నం రెడ్డి కృష్ణ కుమార్ బుధ‌వారం ఉదయం విశాఖలో ఆకస్మిక గుండెపోటుతో మరణించారని తెలిసింది.

సాయిప‌ల్ల‌వి- ఫహద్ ఫాజిల్ ప్ర‌ధాన పాత్ర‌లు పోషించిన థ్రిల్ల‌ర్ చిత్రం `అథిరన్`కి తెలుగు అనువాదంగా `అనుకోని అతిథి` రిలీజ్ కి సిద్ధ‌మ‌వుతోంది. ఈ చిత్రం 2019లోనే రిలీజ్ కావాల్సి ఉన్నా ర‌క‌ర‌కాల కార‌ణాల‌తో వాయిదా ప‌డింది. చివ‌రికి ఆహా-ఓటీటీలో రిలీజ్ కి రెడీ అవుతోంది. ఇటీవ‌లే టీజ‌ర్ రిలీజై ఆక‌ట్టుకుంది.