'మైఖేల్‌'తో జ‌త‌క‌ట్టిన‌ హ్యాపీడేస్ హీరో

`హ్యాపీ డేస్` చిత్రంతో హీరోగా మంచి పేరు తెచ్చుకున్న వ‌రుణ్ తేజ్ గ‌త కొంత కాలంగా మంచి బ్రేక్ కోసం ఎదురుచూస్తున్నారు. ఇటీవ‌ల న‌టించిన `ఇందువ‌ద‌న‌` చిత్ర‌నం కూడా ఆశించిన ఫ‌లితాన్ని అందించ‌క‌పోవ‌డంతో కొత్త త‌ర‌హా పాత్ర‌ల్లో న‌టించ‌డానికి రెడీ అయిపోతున్నారు. వ‌రుణ్ సందేశ్ తాజాగా ఓ విభిన్న‌మైన మ‌ల్టీస్టార‌ర్ మూవీకి గ్రీన్ సిగ్న‌ల్ ఇచ్చారు. అదే `మైఖేల్‌`. సందీప్ కిష‌న్‌, విజ‌య్ సేతుప‌తి, రంజిత్ జ‌య‌కోడి ప్ర‌ధాన పాత్ర‌ల్లో న‌టిస్తున్నారు.

పాన్ ఇండియా స్థాయిలో రూపొంద‌నున్న ఈ చిత్రాన్ని శ్రీ వెంక‌టేశ్వ‌ర సినిమాస్ ఎల్ ఎల్ పీ, క‌ర‌ణ్ సి. ప్రొడ‌క్ష‌న్స్ ఎల్ ఎల్ పీ సంయుక్తంగా ఈ చిత్రాన్ని నిర్మించ‌నున్నాయి. ఇటీవ‌లే ప్ర‌క‌టించిన ఈ మూవీకి మంచి బ‌జ్ ఏర్ప‌డింది. దీంతో బ్యాక్ టు బ్యాక్ క్రేజీ యాక్ట‌ర్స్ ని మేక‌ర్స్ కీల‌క పాత్ర‌ల కోసం ఫైన‌ల్ చేస్తున్నారు. తాజాగా ఈ చిత్రంలోని ఓ కీల‌క పాత్ర కోసం `హ్యాపీడేస్` హీరో వ‌రుణ్ సందేశ్ ని ఫైన‌ల్ చేశారు. ఇదే విష‌యాన్ని శ‌నివారం మేక‌ర్స్ అధికారికంగా ప్ర‌క‌టించారు. ఈ మూవీలోని కీల‌క టైటిల్ పాత్ర‌లో `మైఖేల్‌` గా సందీప్ కిష‌న్ న‌టించ‌నున్నారు.

మాసీవ్ యాక్ష‌న్ ఎంట‌ర్ టైన‌ర్ గా రూపొందనున్న ఈమూవీలో మ‌క్క‌ల్ సెల్వ‌న్ విజ‌య్ సేతుపతి ప్ర‌త్యేక పాత్ర‌లో క‌నిపించ‌బోతున్నారు. స్టార్ డైరెక్ట‌ర్ గౌత‌మ్ వాసుదేవ్ మీన‌న్ విల‌న్ గా , దివ్యాన్ష కౌశిక్ హీరోయిన్ గా న‌టిస్తున్నారు. బిగ్‌బాస్ షోతో మ‌ళ్లీ ట్రాక్ లోకి వ‌చ్చిన వ‌రుణ్ సందేశ్ కి ఇందులో కీల‌క పాత్ర‌లో న‌టించే అవ‌కాశం ద‌క్కింది. చాలా ప్ర‌త్యేక‌త‌ల‌తో పాన్ ఇండియ‌న్ మూవీగా తెర‌కెక్కుతున్న ఈ మూవీకి రంజిత్ జ‌య‌కోడి ద‌ర్శ‌క‌త్వం వ‌హిస్తున్నారు. ఈ మూవీ రెగ్యుల‌ర్ షూటింగ్ శ‌నివారం హైద‌రాబాద్ లో లాంఛ‌నంగా ప్రారంభ‌మైంది.

యాక్ష‌న్ ఎంట‌ర్ టైన‌ర్ గా రూపొందుతున్న ఈ చిత్రాన్ని తెలుగు, త‌మిళ‌, మ‌ల‌యాళ‌, క‌న్న‌డ‌, హిందీ భాష‌ల్లో ఏక కాలంలో రిలీజ్ చేయాల‌ని నిర్మాత‌లు భ‌ర‌త్ చౌద‌రి, పుస్కూర‌న్ రామ్మోహ‌న్ రావు, నారాయ‌ణ్ దాస్ నారంగ్ ప్లాన్ చేస్తున్నారు. గ‌తంలో సందీప్ కిష‌న్ తో క‌లిసి వ‌రుణ్ సందేశ్ `డీ ఫ‌ర్ దోపిడి` చిత్రంలో న‌టించారు.