'డియర్ మేఘ' నుంచి మరో బ్యూటిఫుల్ పోస్టర్..!

మేఘా ఆకాష్ - అరుణ్ అదిత్ - అర్జున్ సోమయాజుల ప్రధాన పాత్రల్లో రూపొందుతున్న సినిమా ''డియర్ మేఘ''. వేదాన్ష్ క్రియేటివ్ వర్క్స్ మరియు సోరింగ్ ఎలిఫెంట్ ఫిలిమ్స్ బ్యానర్స్ పై అర్జున్ దాస్యన్ ఈ చిత్రాన్ని నిర్మిస్తున్నారు. యంగ్ ఫిల్మ్ మేకర్ ఎ.సుశాంత్ రెడ్డి ఈ చిత్రాన్ని ఓ అందమైన, ఆసక్తికరమైన ప్రేమకథగా తీర్చిదిద్దుతున్నారు. ఇప్పటికే విడుదలైన ఫస్ట్ లుక్ సినిమాపై ఇంట్రెస్ట్ క్రియేట్ చేసింది. ఈ క్రమంలో నేడు హీరో అరుణ్ ఆదిత్ పుట్టినరోజు సందర్భంగా 'డియర్ మేఘ' నుంచి మరో న్యూ పోస్టర్ ను చిత్ర బృందం రిలీజ్ చేశారు.

అరుణ్ అదిత్ భుజంపై మేఘా ఆకాష్ తలవాల్చి ఉన్న బ్యూటిఫుల్ 'డియర్ మేఘ' సెకండ్ లుక్ పోస్టర్ ఆకట్టుకుంటోంది. ఈ సందర్భంగా హీరో అరుణ్ ఆదిత్ కు పుట్టినరోజు శుభాకాంక్షలు తెలిపిన మేకర్స్.. అరుణ్ పాత్ర సూపర్బ్ గా ఉంటుందని.. అతని నటన ఆడియెన్స్ ను మెస్మరైజ్ చేస్తుందని అన్నారు. పోస్ట్ ప్రొడక్షన్ కార్యక్రమాలు పూర్తి చేసుకొని ఫస్ట్ కాపీ రెడీ అవుతున్న ఈ చిత్రాన్ని ఓటీటీ రిలీజ్ చేయనున్నారు.

''డియర్ మేఘ'' చిత్రాన్ని త్వరలోనే ఓ బిగ్ ఓటీటీ ప్లాట్ ఫామ్ మీద విడుదల చేయడానికి సన్నాహాలు చేస్తున్నామని.. ఈ సినిమాని ప్రేక్షకులు ఎంజాయ్ చేస్తారని నమ్మకంతో ఉన్నామని నిర్మాత అర్జున్ దాస్యన్ తెలిపారు. ఈ చిత్రానికి హరి గౌర సంగీతం సమకూరుస్తున్నారు. ఐ ఆండ్రూ సినిమాటోగ్రఫీ అందిస్తున్నారు. పీఎస్ వర్మ ఆర్ట్ డైరెక్టర్ గా వర్క్ చేస్తుండగా.. ప్రవీణ్ పూడి ఎడిటింగ్ బాధ్యతలు నిర్వర్తిస్తున్నారు.