'మేజర్' కి పోటీగా వస్తున్న మరో బయోపిక్..!

వర్సటైల్ యాక్టర్ అడవి శేష్ నటిస్తున్న లేటెస్ట్ మూవీ ''మేజర్''. 26/11 ముంబై టెర్రర్ అటాక్స్ లో వీరమరణం పొందిన మేజర్ సందీప్ ఉన్ని కృష్ణన్ జీవిత కథ ఆధారంగా ఈ చిత్రం తెరకెక్కుతోంది. శ‌శి కిర‌ణ్‌ తిక్కా ఈ చిత్రానికి దర్శకత్వం వహిస్తున్నాడు. సోనీ పిక్చర్స్ సమర్పణలో మహేష్ బాబు జీఎంబీ ఎంటర్టైన్మెంట్ - ఏ+ఎస్ మూవీస్ బ్యానర్స్ కలిసి ఈ చిత్రాన్ని నిర్మిస్తున్నాయి. పాన్ ఇండియా లెవల్లో రూపొందుతున్న ఈ చిత్రాన్ని జూలై 2వ తేదీన విడుదల చేయనున్నారు. అయితే ఇప్పుడు 'మేజర్' చిత్రానికి పోటీగా అదే రోజు రావడానికి మరో సినిమా రెడీ అయింది.

బాలీవుడ్ స్టార్స్ సిద్ధార్థ్ మల్హోత్రా - కియరా అద్వానీ హీరోహీరోయిన్లుగా నటిస్తున్న ''షేర్షా'' అనే హిందీ చిత్రాన్ని జులై 2న రిలీజ్ చేస్తున్నట్లు తాజాగా మేకర్స్ ప్రకటించారు. తమిళ్ లో 'బిల్లా'.. తెలుగులో 'పంజా' వంటి చిత్రాలను తెరక్కించిన కోలీవుడ్ డైరెక్టర్ విష్ణు వర్ధన్ ఈ సినిమాకి దర్శకత్వం వహిస్తున్నాడు. ధర్మ ప్రొడక్షన్స్ - కాశ్ ఎంటర్టైన్మెంట్స్ బ్యానర్స్ పై కరణ్ జోహార్ - అపూర్వ మెహతా - షబ్బీర్ ఈ చిత్రాన్ని నిర్మిస్తున్నారు. అయితే ఇప్పుడు 'మేజర్' మరియు 'షేర్షా' చిత్రాల మధ్య క్లాష్ అనివార్యమైంది.

అయితే ఈ రెండు సినిమాలు కూడా బయోపిక్స్ అవడం విశేషం. 'షేర్షా' సినిమా పరమవీర చక్ర అవార్డ్ గ్రహీత కెప్టెన్ విక్రమ్ భాత్ర జీవితకథ ఆధారంగా తెరకెక్కుతోంది. కార్గిల్ వార్ నేపథ్యంలో ఈ సినిమా ఉంటుందని తెలుస్తోంది. అంటే ఒకే సెక్షన్స్ ఆడియన్స్ ని టార్గెట్ ఈ రెండు సినిమాలు ఒకేరోజు రిలీజ్ కానున్నాయి. కాకపోతే 'మేజర్' పాన్ ఇండియా మూవీ కాగా 'షేర్షా' హిందీ మూవీ. ఇప్పటికే ప్రచార చిత్రాలతో 'మేజర్' సినిమాపై ఆసక్తిని కలిగించింది. ఈ సినిమా కోసం శేష్ ఎంతో రీసెర్చ్ చేయడమే కాకుండా.. మేజర్ సందీప్ గా కనిపించడం కోసం చాలా కష్టపడ్డాడు. ఈ చిత్రంలో తెలుగమ్మాయి శోభితా దూళిపాళ్ల - బాలీవుడ్ బ్యూటీ సైఈ మంజ్రేకర్ కీలక పాత్రల్లో నటిస్తున్నారు.