చ‌ర‌ణ్ లైన‌ప్ లో మ‌రో క్రేజీ డైరెక్ట‌ర్‌?

స్టార్ డైరెక్ట‌ర్ రాజ‌మౌళి తెర‌కెక్కించిన భారీ మ‌ల్టీస్టార‌ర్ మూవీ 'RRR'. యంగ్ టైగ‌ర్ ఎన్టీఆర్ తో మెగా ప‌వ‌ర్ స్టార్ రామ్ చ‌ర‌ణ్ తొలిసారి క‌లిసి న‌టించిన ఈ మూవీ వ‌ర‌ల్డ్ వైడ్ గా బాక్సాఫీస్ వ‌ద్ద రికార్డు స్థాయి వ‌సూళ్ల‌ని రాబ‌ట్టింది. 1920 ప్రీ ఇండిపెండెన్స్ నేప‌థ్యంలో సాగే ఫిక్ష‌న‌ల్ స్టోరీగా తెర‌కెక్కిన ఈ మూవీ దేశ వ్యాప్తంగా కూడా సంచ‌ల‌నాలు సృష్టించిన విష‌యం తెలిసిందే. ఇటీవ‌ల నెట్ ఫ్లిక్స్ లో విడుద‌లైన ఈ మూవీ అక్క‌డ కూడా దుమ్ముదులిపేస్తోంది.

నెట్ ఫ్లిక్స్ లో ఈ మూవీని చూసిన హాలీవుడ్ స్టార్స్, టెక్నిష‌యిన్స్ ఈ మూవీతో పాటు హీరోలు రామ్ చ‌ర‌ణ్‌, ఎన్టీఆర్ ల‌పై ప్ర‌శంస‌ల వ‌ర్షం కురిపిస్తున్నారు. ఏకంగా ఓ హాలీవుడ్ రైట‌ర్ ఈ మూవీ చూసి చ‌ర‌ణ్ కోసం ప్ర‌త్యేకంగా స్క్రిప్ట్ రాస్తాన‌ని స్టేట్‌మెంట్ ఇవ్వ‌డం తెలిసిందే. ఇదిలా వుంటే ఈ మూవీ త‌రువాత చ‌ర‌ణ్ ద‌ర్శ‌కుల ఎంపిక మారింది. బ్యాక్ టు బ్యాక్ క్రేజీ డైరెక్ట‌ర్ల‌తో సినిమాలు ప్లాన్ చేసుకుంటున్నాడు. పాన్ ఇండియా ప్రాజెక్ట్ ల‌పై క‌న్నేశాడు.

ప్ర‌స్తుతం ది గ్రేట్ శంక‌ర్ డైరెక్ష‌న్ లో త‌న 15వ మూవీని చేస్తున్న విష‌యం తెలిసిందే. స్టార్ ప్రొడ్యూస‌ర్ దిల్ రాజు త‌న బ్యాన‌ర్ లో 50వ ప్రాజెక్ట్ గా అత్యంత ప్ర‌తిష్టాత్మ‌కంగా భావించిన ఈ మూవీని అత్యంత భారీ స్థాయిలో తెర‌పైకి తీసుకొస్తున్నారు.

ప్ర‌స్తుతం ఈ మూవీ చిత్రీక‌ర‌ణ ద‌శ‌లో వుంది. ఇదిలా వుంటే చ‌ర‌ణ్ క్రేజీ డైరెక్ట‌ర్ల జాబితాలో తాజాగా మ‌రో స్టార్ డైరెక్ట‌ర్ కూడా చేరిన‌ట్టుగా తెలుస్తోంది. ఇటీవ‌ల క‌మ‌ల్ హాస‌న్ తో 'విక్ర‌మ్‌' వంటి బ్లాక్ బ‌స్ట‌ర్ ని అందించిన లోకేష్ క‌న‌గ‌రాజ్ ..చ‌ర‌ణ్ తో భారీ సినిమాకు శ్రీ‌కారం చుట్ట‌బోతున్నార‌ని వార్త‌లు వినిపిస్తున్నాయి.

తాజాగా ఈ ప్రాజెక్ట్ కి సంబంధించిన ఆస‌క్తిక‌ర‌మైన వార్త ఒక‌టి బ‌య‌టికి వ‌చ్చింది. ఇటీవ‌ల ఓ మీడియాకు ఇచ్చిన ఇంట‌ర్వ్యూలో ద‌ర్శ‌కుడు లోకేష్ క‌న‌గ‌రాజ్ .. చ‌ర‌ణ్ తో చేయ‌బోయే సినిమా వివ‌రాల్ని వెల్ల‌డించిన‌ట్టుగా తెలిసింది. చ‌ర‌ణ్ తో సినిమా వుంటుంద‌ని క్లారిటీ ఇచ్చిన లోకేష్ .. మా ఇద్ద‌రికున్న క‌మిట్ మెంట్ ల త‌రువాతే ఆ మూవీ ప‌ట్టాలెక్కుతుంద‌ని. అది చాలా బిగ్గెస్ట్ ప్రాజెక్ట్ గా వుంటుంద‌ని చెప్పార‌ట‌.

'విక్ర‌మ్' రిలీజ్ త‌రువాత లోకేష్ న‌క‌గ‌రాజ్ ని ప్ర‌త్యేకంగా చ‌ర‌ణ్ ఆహ్వానించారు. స్పెష‌ల్ గా డిన్న‌ర్ కోసం త‌న‌ని ఆహ్వానించాన‌ని, ఇద్ద‌రం క‌లిసి సినిమా చేయాల‌ని మాత్రం ఏమీ అనుకోలేద‌ని స్ప‌ష్టం చేశాడు చ‌ర‌ణ్‌. ప్ర‌స్తుత స‌మీక‌ర‌ణాల దృష్ట్యా భ‌విష్య‌త్తులో ఈ ఇద్ద‌రు క‌లిసి చేసే అవ‌కాశం వుంద‌ని తెలుస్తోంది. వ‌రుస పాన్ ఇండియా ప్రాజెక్ట్ ల‌ని లైన్ లో పెడుతున్న చ‌ర‌ణ్ ఖ‌చ్చితంగా లోకేష్ క‌న‌గ‌రాజ్ తో సినిమా చేసే అవకాశం మాత్రం వుంద‌ని ఇన్ సైడ్ టాక్‌.