కృష్ణ - విజయనిర్మల ఫ్యామిలీ నుంచి వస్తున్న శరణ్ డెబ్యూ మూవీ ప్రారంభం..!

సూపర్ స్టార్ కృష్ణ - విజయనిర్మల ఫ్యామిలీ నుంచి శరణ్ కుమార్ హీరోగా ఇండస్ట్రీకి పరిచయం అవుతున్నాడు. మాన్విత - కుశలకుమార్ బులేమని సమర్పణలో సినీటేరియా మీడియా వర్క్స్ పతాకంపై ప్రొడక్షన్ నెంబర్ 3గా ఈ సినిమా రూపొందనుంది. ఈ చిత్రంతో రామచంద్ర వట్టికూటి దర్శకుడిగా పరిచయం అవుతున్నాడు. ఈ చిత్రాన్ని పూజా కార్యక్రమాలతో లాంఛనంగా ప్రారంభించారు. ముహూర్తపు సన్నివేశానికి కృష్ణ గౌరవ దర్శకత్వం వహించారు. హీరోలు సుధీర్ బాబు - నవీన్ విజయకృష్ణ కెమెరా స్విచ్ఛాన్ చేయగా.. సీనియర్ నరేష్ క్లాప్ ఇచ్చారు. చిత్ర యూనిట్ దివంగత విజయనిర్మల విగ్రహానికి నివాళులు అర్పించారు. ఈ సందర్భంగా కృష్ణ మాట్లాడుతూ "హీరోగా పరిచయమవుతున్న మా కుటుంబ సభ్యుడైన శరణ్ కి నా అభినందనలు. ఇంతకుముందు మా ఫ్యామిలీ నుంచి వచ్చిన ఆర్టిస్టులను ప్రేక్షకులు ఆదరించారు. అలాగే శరణ్ ని కూడా ఆదరించాలని కోరుకుంటున్నాను. నిర్మాతలకి దర్శకులకి నా శుభాకాంక్షలు" అని అన్నారు.

వీకే నరేష్ మాట్లాడుతూ "దర్శకుడు రామచంద్ర నాకు బాగా పరిచయస్తుడు. సోదరుడి లాంటివాడు. తను మంచి రైటర్. శరణ్ నాకు అల్లుడు అవుతాడు. ఈ సినిమా సక్సెస్ చేయాలని కోరుతున్నాను. మేమంతా శరణ్ కి సపోర్ట్ గా ఉంటాం. కచ్చితంగా ఈ సినిమా బావుంటుంది" అని అన్నారు. సుధీర్ బాబు మాట్లాడుతూ మా ఫ్యామిలీ నుండి మరొకరు హీరోగా ఇండస్ట్రీకి వస్తున్నారని.. హీరో కావాలని తను చాలా కష్టపడ్డాడని.. ఈ సినిమా టీమ్ అందరికీ ఆల్ ది బెస్ట్ అని అన్నారు. హీరో శరణ్ మాట్లాడుతూ "కృష్ణ గారు, విజయనిర్మల గారు బ్లెస్సింగ్స్ తో హీరోగా పరిచయం అవుతున్నందుకు నాకు చాలా సంతోషంగా ఉంది. నేను, చంద్రగారు ఏడాదిన్నరగా ఈ స్క్రిప్ట్ మీద వర్క్ చేస్తున్నాం. నన్ను హీరోగా పరిచయం చేస్తున్న మా నిర్మాతలకి థాంక్స్" అని అన్నారు.

Pics from pooja ceremony of #Cinetaria 's #ProductionNo.3 with Hero #Sharan "TheLight" Kumar

First Shot Dir. by #SuperStar #Krishna garu
Clap by @itsactornaresh
Script By @isudheerbabu Garu