అఫిషియల్‌.. మరో సంక్రాంతి మూవీ వాయిదా

కరోనా థర్డ్‌ వేవ్‌ ఆరంభం అవ్వడంతోనే భారీ చిత్రాలు వాయిదా పడేలా చేసింది. టాలీవుడ్‌ జక్కన్న రాజమౌళి దర్శకత్వంలో రూపొందిన ఆర్‌ ఆర్‌ ఆర్ మరియు నేషనల్‌ స్టార్‌ ప్రభాస్‌ హీరోగా నటించిన రాధే శ్యామ్‌ సినిమా కూడా విడుదల వాయిదా పడ్డాయి. ఈ సినిమాలు మాత్రమే కాకుండా హిందీలో కొన్ని సినిమాలు.. తమిళ సినిమా వాలిమై మరియు ఇతర భాషల సినిమాలు కూడా వాయిదా పడ్డాయి. జనవరి మరియు ఫిబ్రవరిలో విడుదల అవ్వాల్సిన సినిమాలు కూడా బ్యాక్ టు బ్యాక్ వాయిదా పడుతున్నాయి. సౌత్‌ ఇండియాలో కేసుల సంఖ్య మరీ అధికంగా లేవు. కనుక ఇక్కడ సినిమాలు విడుదల అవుతాయి అనుకుంటూ ఉండగా మెల్ల మెల్లగా ఒకొక్కటి చొప్పున వాయిదా పడుతూ ఉన్నాయి.

తాజాగా వాలిమై సినిమాను వాయిదా వేస్తున్నట్లుగా మేకర్స్ ప్రకటించారు. ఇదే సమయంలో సౌత్‌ స్టార్‌ హీరో దుల్కర్‌ సల్మాన్‌ నటించిన క్రేజీ మూవీ సెల్యూట్‌ కూడా వాయిదా పడ్డట్లుగా వార్తలు వచ్చాయి. కాని మేకర్స్ నుండి ఎలాంటి క్లారిటీ రాకపోవడంతో ఖచ్చితంగా విడుదల అవుతుందనే నమ్మకం ను కొందరు వ్యక్తం చేశారు. కాని తాజాగా మేకర్స్ సినిమాను వాయిదా వేస్తున్నట్లుగా అధికారికంగా ప్రకటించారు. దుల్కర్‌ సల్మాన్‌ నటించిన ఈ సినిమా కోసం తెలుగు ప్రేక్షకులు కూడా చాలా ఆసక్తిగా ఎదురు చూశారు. కాని సినిమా వాయిదా పడటం తో అభిమానులు నిరుత్సాహం వ్యక్తం చేస్తున్నారు.

ఇటీవలే దుల్కర్‌ సల్మాన్‌ నటించిన కురూప్ సినిమా విడుదల అయ్యింది. మలయాళంలోనే కాకుండా తెలుగు లో కూడా ఆ సినిమా మంచి విజయాన్ని సొంతం చేసుకుంది. భారీ వసూళ్లు దక్కించుకున్న కురూప్‌ సినిమా ఆయన మార్కెట్‌ ను మరింతగా విస్తరించినట్లయ్యింది. దాంతో సెల్యూట్‌ సినిమా ను భారీ ఎత్తున విడుదల చేయాలని మేకర్స్ ప్లాన్‌ చేశారు. కాని సినిమా విడుదలకు పరిస్థితులు అనుకూలంగా లేని కారణంగా వాయిదా వేస్తున్నట్లుగా ప్రకటించారు. మళ్లీ ఒక మంచి తేదీకి సినిమాను విడుదల చేస్తామని ప్రకటించారు. సినిమా ఎప్పుడు వచ్చినా కూడా ప్రతి ఒక్కరు సెల్యూట్‌ చేసే విధంగా ఉంటుందనే నమ్మకంను ఇండస్ట్రీ వర్గాల వారు వ్యక్తం చేస్తున్నారు.