అఖిల్‌ 'ఏజెంట్‌' కోసం మరో స్టార్‌

అక్కినేని అఖిల్‌ హీరోగా రూపొందుతున్న మోస్ట్ ఎలిజబుల్‌ బ్యాచిలర్ విడుదలకు సిద్దం అయ్యింది. బొమ్మరిల్లు భాస్కర్‌ దర్శరత్వంలో రూపొందుతున్న ఆ సినిమా విడుదలకు సిద్దం అయినా కరోనా వల్ల వాయిదా పడింది. మోస్ట్‌ ఎలిజబుల్‌ బ్యాచిలర్ తర్వాత సురేందర్ రెడ్డి దర్శకత్వంలో అఖిల్ మూవీ పట్టాలెక్కబోతుంది. ఇప్పటికే ఈ సినిమా అధికారిక ప్రకటన వచ్చింది. కరోనా వల్ల కాస్త ఆలస్యం అవుతుంది కాని అతి త్వరలోనే పూర్తి స్థాయిలో పట్టాలెక్కబోతుంది. ఈ సినిమాలో అఖిల్‌ పాత్ర చాలా విభిన్నంగా ఉంటుందనే టాక్ వినిపిస్తుంది. ఇక ఈ సినిమాలో విలన్ పాత్రకు గాను స్టార్‌ నటుడిని ఎంపిక చేశారట.

ఇటీవల కాలంలో కన్నడ స్టార్‌ ఉపేంద్ర వరుసగా తెలుగు సినిమాల్లో నటిస్తున్నాడు. ఒక వైపు కన్నడంలో హీరోగా నటిస్తూనే మరో వైపు ఇతర భాషల్లో విలన్ పాత్రల్లో నటిస్తున్నాడు. తెలుగు లో ఈయన ఏజెంట్‌ లో విలన్ గా నటించేందుకు ఓకే చెప్పాడని తెలుస్తోంది. సురేందర్‌ రెడ్డి స్టైలిష్‌ మేకింగ్‌ తో ఏజెంట్‌ ను స్టైలిష్ మూవీగా రూపొందించబోతున్నట్లుగా తెలుస్తోంది. అఖిల్‌ కమర్షియల్‌ సక్సెస్‌ కోసం చాలా కాలంగా ఎంతో ఆసక్తిగా ఎదురు చూస్తున్నాడు. కాని ఆయనకు ఆశించిన సక్సెస్ మాత్రం దక్కడం లేదు.

మోస్ట్‌ ఎలిజబుల్ బ్యాచిలర్ తర్వాత ఏజెంట్‌ సినిమా తో ఖచ్చితంగా అఖిల్‌ సక్సెస్‌ ను దక్కించుకోవడం ఖాయం అంటున్నారు. ఈ సినిమా పై నాగార్జున చాలా నమ్మకంగా ఉన్నాడట. ఈ సినిమాను వచ్చే ఏడాది ఆరంభంకు ప్రేక్షకుల ముందుకు తీసుకు వచ్చేలా ప్లాన్ చేస్తున్నారు. ఏజెంట్ కు ఉపేంద్ర జత అవ్వడం ఖచ్చితంగా అదనపు ఆకర్షణ అంటున్నారు. రా ఏజెంట్‌ పాత్రలో అఖిల్‌ కనిపించనుండగా ఉపేంద్రను సురేందర్‌ రెడ్డి ఎలా చూపించబోతున్నాడు అనేది చూడాలి.