సూపర్ స్టార్ ఫ్యామిలీ నుంచి మరో యంగ్ హీరో!

టాలీవుడ్ తెరపై సూపర్ స్టార్ గా కృష్ణ ఒక తిరుగులేని ముద్ర వేశారు. అలనాటి సీనియర్ స్టార్ హీరోలలో సాహసిగా ఆయనకి పేరు. అందువల్లనే తెలుగు సినిమాకి సంబంధించిన అనేక మలుపులకు ఆయన కారణమయ్యారు.

అందువల్లనే టాలీవుడ్ ఇండస్ట్రీలో కృష్ణకి ప్రత్యేకమైన స్థానం ఉంది. అలాంటి ఆయన ఫ్యామిలీ నుంచి వచ్చిన మహేశ్ బాబు ఈ జనరేషన్ సూపర్ స్టార్ గా తండ్రి వారసత్వాన్ని కొనసాగిస్తున్నాడు. అలాగే కృష్ణ అల్లుడుగా సుధీర్ బాబు కూడా తన ప్రత్యేకతను చాటుకోవడానికి ప్రయత్నిస్తున్నాడు. అందులో కొంతవరకూ సక్సెస్ అయ్యాడు.

ఇక ఇప్పుడు కృష్ణ ఫ్యామిలీ నుంచి మరో యంగ్ హీరో ప్రేక్షకుల ముందుకు రావడానికి రెడీ అవుతున్నాడు. అతని పేరే శరణ్ కుమార్. ఇతను ఎవరో కాదు నరేశ్ అల్లుడు. 'మిస్టర్ కింగ్' అనే టైటిల్ తో శరణ్ కుమార్ హీరోగా ఒక సినిమా రూపొందుతోంది.

ఈ సినిమాతోనే హీరోగా ఆయన తెలుగు తెరకి పరిచయమవుతున్నాడు. శశిధర్ చావలి దర్శకత్వం వహిస్తున్న ఈ సినిమాతో, యశ్విక - ఉర్వీ సింగ్ కథానాయికలుగా పరిచయమవుతున్నారు. సునీల్ .. మురళీశర్మ .. వెన్నెల కిశోర్ ముఖ్యమైన పాత్రలను పోషిస్తున్నారు.

శరణ్ కుమార్ ఎవరనేది ఇండస్ట్రీలో చాలామందికి తెలియదు. ఇక ప్రేక్షకుల గురించి చెప్పవలసిన అవసరం లేదు. అందువలన శరణ్ పోస్టర్స్ చూసినవాళ్లంతా ఈ కుర్రాడు ఎవరు అనుకోవడం మొదలుపెట్టారు. అందువల్లనే తాజాగా శరణ్ పై ఒక వీడియో చేసి వదిలారు.

'మిస్టర్ కింగ్' సినిమాకి మణిశర్మ సంగీతాన్ని సమకూర్చారు. ఈ సినిమాను నెక్స్ట్ లెవెల్ కి తీసుకునివెళ్లేలా ఆయన తనవంతు ప్రయత్నం చేశాడని అంటున్నారు. త్వరలోనే ఈ సినిమాను విడుదల చేయాలనే దిశగా సన్నాహాలు జరుగుతున్నాయి. మరి శరణ్ ఎంతవరకూ నిలదిక్కుకుంటాడనేది చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.