అంటే.. ట్రైలర్ గ్లింప్స్: సుందర్-లీలా ఫన్ వరల్డ్ లో ఎంటర్టైన్మెంట్ గ్యారంటీ..!

నేచురల్ స్టార్ నాని హీరోగా టాలెంటెడ్ డైరెక్టర్ వివేక్ ఆత్రేయ దర్శకత్వంలో తెరకెక్కిన డిఫరెంట్ రోమ్-కామ్ ''అంటే.. సుందరానికీ!". ఇందులో మలయాళ బ్యూటీ నజ్రియా నజీమ్ ఫహాద్ హీరోయిన్ గా నటించింది. రిలీజ్ కు రెడీ అయిన ఈ చిత్రానికి సంబంధించిన ప్రచార కార్యక్రమాలు జోరుగా సాగుతున్నాయి.

'అంటే సుందరానికీ' నుంచి వచ్చిన ప్రమోషనల్ కంటెంట్ సినిమాపై బజ్ ఏర్పడేలా చేసింది. టీజర్ మరియు పాటలకు మంచి రెస్పాన్స్ లభించింది. ఈ నేపథ్యంలో థియేట్రికల్ ట్రైలర్ ను లాంచ్ చేయడానికి మేకర్స్ సన్నాహాలు చేస్తున్నారు.

ఇందులో భాగంగా ఈ రోజు అంటే.. మేకర్స్ ట్రైలర్ రిలీజ్ డేట్ అనౌన్స్ చేయడానికి ఒక గ్లింప్స్ ని విడుదల చేశారు. సినిమాలోని ప్రధాన నటీనటులందరిలో కలవరాన్ని ఈ వీడియో చూపిస్తుంది. చివర్లో నాని మరియు నజ్రియా కలిసి 'అంటే సుందారానికి' థియేట్రికల్ ట్రైలర్ జూన్ 2న విడుదల కానున్నట్లు వెల్లడించారు.

ట్రైలర్ ఎంతో వినోదాత్మకంగా ఉంటుందని ఈ చిన్న గ్లింప్స్ సూచిస్తోంది. సుందర్ ప్రసాద్ మరియు లీలా థామస్ ఫన్ వరల్డ్ లో నవ్వులు గ్యారంటీ అనే విషయాన్ని తెలియజేస్తోంది. ఇందులో నాని - నజ్రియా జంట అందంగా కనిపిస్తోంది. నరేష్ - రోహిణి - శ్రీకాంత్ అయ్యంగార్ - నదియా - హర్షవర్ధన్ - రాహుల్ రామకృష్ణ - సుహాస్ - పృథ్వీరాజ్ ఇతర పాత్రలు పోషించారు.

మైత్రీ మూవీ మేకర్స్ బ్యానర్ పై నవీన్ యెర్నేని - యలమంచిలి రవిశంకర్ 'అంటే సుందరానికీ' చిత్రాన్ని నిర్మించారు. వివేక్ సాగర్ సంగీతం సమకూర్చగా.. నికేత్ బొమ్మి సినిమాటోగ్రఫీ అందించారు. ర‌వితేజ గిరిజాల ఎడిట‌ర్‌ గా వర్క్ చేయగా.. లతా నాయుడు ఆర్ట్ డైరెక్టర్ గా వ్యవహరించారు.

'అంటే సుందరానికీ' సినిమాని 2022 జూన్ 10న ప్రపంచ వ్యాప్తంగా థియేటర్లలోకి తీసుకురానున్నారు. ఈ రొమాంటిక్ కామెడీ ఎంటర్టైనర్ తెలుగు వెర్షన్‌ తో పాటు తమిళ మరియు మలయాళంలో ఏకకాలంలో విడుదల అవుతుంది. తమిళ్‪ లో 'అడాడే.. సుందరా'.. మలయాళంలో 'ఆహా.. సుందరా' ఆమె పేర్లతో ప్రేక్షకుల ముందుకు రానుంది.