తందనానంద సాంగ్.. సుందరం హడావుడి మామూలు లేదు

నేచురల్ స్టార్ నాని నటించిన అంటే సుందరానికి సినిమా ఈ వారం ప్రేక్షకుల ముందుకు రాబోతున్న విషయం తెలిసిందే. ఈ సినిమాపై ఓ వర్గం ప్రేక్షకులలో అయితే అంచనాలు గట్టిగానే ఉన్నాయి. ఎందుకంటే నాని నుంచి చాలా రోజుల తర్వాత ఒక ఫుల్ కామెడీ ఎంటర్టైనర్ సినిమా చేయబోతున్నాడు. బలే బలే మగాడివోయ్ సినిమా తర్వాత మళ్లీ ఆ రేంజ్ లో కామెడీతో మెప్పించలేకపోయాడు.

విభిన్నమైన సినిమాలు ట్రై చేస్తున్న నాని ఒక విధంగా సక్సెస్ అందుకున్నప్పటికీ కూడా అతని రెగ్యులర్ ఆడియెన్స్ మాత్రం కామెడీ సినిమా చూసేందుకు ఎంతో ఆసక్తిగా ఎదురుచూస్తున్నారు.

ఇక ఈసారి ప్రత్యేకంగా వివేక్ ఆత్రేయ దర్శకత్వంలో అంటే సుందరానికి అనే సినిమాతో కామెడీ తో తప్పకుండా సక్సెస్ కావాలని చూస్తున్నాడు. ఇక ఈ సినిమాకు సంబంధించిన ప్రమోషన్ కూడా గట్టిగానే చేస్తున్నారు.

రీసెంట్ గా ఈ సినిమాకి సంబంధించిన మరొక పాటను విడుదల చేశారు. తందనానంద ప్రోమో సాంగ్ ను కంపోజ్ చేసిన విధంగా అనే సాంగ్ ను విభిన్నంగా కంపోజ్ చేశారు. ఇక వీడియో సాంగ్ విడుదలైన కొన్ని నిమిషాల్లోనే వైరల్ గా మారిపోయింది. ఈ సినిమాలో నాని ఒక బ్రాహ్మణుడు క్యారెక్టర్ లో కనిపిస్తూ ఉండగా నజరేయా క్రిస్టియన్ అమ్మాయిగా కనిపించబోతున్న విషయం తెలిసిందే.

ఇక రెండు మతాల మధ్యలో ఇద్దరు ప్రేమికులు ఎలాంటి సమస్యలను ఎదుర్కొన్నారు అనేది ఈ సినిమాలో కీ పాయింట్ అని తెలుస్తోంది. ఇక అందుకు తగ్గట్టుగానే ఒక ప్రత్యేకమైన పాటను కూడా విడుదల చేశారు. అందులో క్రిస్టియన్ హిందీ పెళ్లి హడావిడిలతో సాంగ్ చాలా అందంగా కనిపిస్తుంది. రెండు మతాలను బ్యాలెన్స్ చేస్తూ ఈ పాటను రచించిన విధానం కూడా ఎంతో అద్భుతంగా ఉంది.

వివేక్ సాగర్ ఈ సినిమాకు మ్యూజిక్ అందించగా తందననంద పాటను రామజోగయ్య శాస్త్రి రాశారు ఇక ప్రముఖ సింగర్ శంకర్ మహదేవన్ అద్భుతమైన గానంతో మరొకసారి క్లాసిక్ మెలోడీని గుర్తు చేశారు. మరియు విభిన్నంగా ప్రేక్షకుల నువ్వు ఎట్రాక్ట్ చేస్తున్న ఈ సినిమా బాక్సాఫీస్ వద్ద ఎలాంటి విజయాన్ని అందుకుంటుందో చూడాలి.