ట్రైలర్ టాక్: స్వర్గం చూపిస్తానంటున్న రష్మి

ఇంతకుముందు యాంకర్ అంటే యాంకరే. కానీ ఇప్పుడు కొత్తగా యాంకర్ అనే పదం ముందు ‘హాట్’ అనే మాట కూడా చేరింది.ఈ ఘనత ప్రధానంగా రష్మి గౌతమ్ కే దక్కుతుంది. అంతకుముందు సినిమాలు, సీరియళ్లతో రాని పేరును ఒక్క ‘జబర్దస్త్’ ప్రోగ్రాంలో యాంకరింగ్‌ తో సంపాదించిన రష్మి.. ఈ మధ్యే ‘గుంటూరు టాకీస్’ సినిమాలో రెచ్చిపోయి అందాల ప్రదర్శన చేసి కుర్రాళ్ల మతి పోగొట్టింది. ఇప్పుడిక ‘అంతం’ సినిమాతో మరోసారి కుర్రాళ్లను కవ్వించడానికి వస్తోంది. ఇప్పటికే దీని పోస్టర్లలో రష్మి అవతారం మత్తెక్కించింది. ట్రైలర్ చూశాక కుర్రాళ్లు ఆగడం కష్టమే.

‘అంతం’ ఒక రొమాంటిక్ థ్రిల్లర్ అని ట్రైలర్ చూస్తే అర్థమవుతుంది. ట్రైలర్లో తొలి సగం రొమాన్స్.. రెండో సగం థ్రిల్ ఉండేలా డిజైన్ చేశారు. ఒక కొత్త జంట.. తమ కొత్త ఫ్లాట్లో రొమాన్స్ ఎంజాయ్ చేస్తూ ఉంటుంది. ఐతే ఒక రోజు ఆమె ఒక్కతే ఇంట్లో ఉండగా తన భర్త నుంచి కాల్ వస్తుంది. భర్త కారు నడుపుకుంటూ వస్తూ.. ఇంట్లో ఎవరైనా ఉన్నారేమో చూడు అంటూ భయపడుతూ అడుగుతాడు. ఆమె మాత్రం భర్త తనతో తమాషా చేస్తున్నాడనుకుంటుంది. కాసేపటి తర్వాత కానీ ఆమెకు తాను ప్రమాదంలో ఉన్నానని అర్థం కాదు. ఇక భర్త వచ్చేలోపు తనకొచ్చిన ఆపద నుంచి ఆమె ఎలా బయటపడిందిన్నది మిగతా కథ. థ్రిల్ సంగతి పక్కనబెడితే.. ట్రైలర్లో ప్రధానంగా రష్మి అందాలే హైలైట్ అయ్యాయి. చివర్లో ‘‘ఇంటికి రా.. స్వర్గం చూపిస్తా’’ అనే డైలాగ్ హైలైట్ అని చెప్పాలి. జీఎస్ఎస్పీ కళ్యాణ్ స్వీయ దర్శకత్వంలో నిర్మించిన ఈ సినిమాలో రష్మి సరసన చరణ్ దీప్ నటించాడు. జూన్ చివరి వారంలో ఈ చిత్రం ప్రేక్షకుల ముందుకు రానుంది.