ఆమె రెండు సినిమాలు ఒకేసారి..

హీరోయిన్స్ నటించిన రెండు సినిమాలు ఒకే రోజు రిలీజ్ అవుతుండడం అనేది చాలా అరుదుగా జరుగుతూ ఉంటుంది. అప్పట్లో హీరోయిన్స్ కి ఈ తరహా అనుభవం ఎదురయ్యేది. కానీ ప్రస్తుత రోజుల్లో డేట్స్ అడ్జస్ట్ చేసి రెండు సినిమాలను ఒకే డేట్ కి పూర్తి చేయాలి అంటే కష్టమే. ఫొటి ఎక్కువ ఉన్న ఈ రోజుల్లో ఒక్క సినిమాని అనుకున్న టైమ్ కి పూర్తి చేసి హిట్టు కొట్టాలంటే మరి కష్టం.

అయితే అనుకోకుండా క్యూట్ గర్ల్ అను ఇమ్మాన్యుయేల్ కి ఒక పరీక్ష పడింది. మజ్ను - కిట్టుగాడు ఉన్నాడు జాగ్రత్త సినిమాలతో తనకంటు ఓ గుర్తింపు తెచ్చుకున్న ఈ బ్యూటీ కొద్దీ కాలంలోనే పవర్ స్టార్ పవన్ కళ్యాణ్ - త్రివిక్రమ్ కాంబినేషన్ లో వస్తోన్న సినిమాలో అవకాశం దక్కించుకొంది. అంతే కాకుండా వక్కంతం వంశీ డైరెక్షన్ లో అల్లు అర్జున్ - 'నా పేరు సూర్య నా ఇల్లు ఇండియా'లో కూడా నటిస్తోంది. ఇక అసలు మ్యాటర్ లోకి వెళితే.. అమ్మడు నవంబర్ 10న ఒకేసారి రెండు సినిమాలతో రాబోతోంది. ఒకటి గోపిచంద్ - ఆక్సిజన్ కాగా మరొకటి విశాల్ డబ్బింగ్ మూవీ డిటెక్టివ్.

అసలైతే ఈ మలయాళీ బ్యూటీ మొదట ఒకే చేసిన తెలుగు సినిమా ఆక్సిజన్. కానీ సినిమా కొన్ని కారణాల వల్ల వాయిదా పడుతూ.. వచ్చింది. కానీ ఫైనల్ గా అంతా సెట్ అవ్వడంతో నెక్స్ట్ వీక్ థియేటర్స్ లోకి రాబోతోంది. ఇక విశాల్ కోలీవుడ్ మూవీ 'తుప్పరివాలన్'తో అక్కడ అడుగుపెట్టిన అను తెలుగులో కూడా ఆ సినిమతో అదృష్టం పరీక్షించుకుంటోంది. చూడాలి మరి ఆ రెండు సినిమాలు అమ్మడిక్ ఎంత వరకు హెల్ప్ అవుతాయో..