అందుకే అను ఖాతాలో అన్నేసి సినిమాలు

మలయాళం నుంచి వరదలా హీరోయిన్లు వచ్చేస్తున్న తరుణంలోనే.. టాలీవుడ్ లోకి ఎంట్రీ ఇచ్చిన భామ అను ఇమాన్యుయేల్. మజ్ను మూవీతో ఎంట్రీ ఇచ్చి.. హోమ్లీ క్యారెక్టర్ తో కనిపించినపుడు.. ఈమెను అంత సీరియస్ గా ఎవరూ తీసుకోలేదు. మల్లూవుడ్ నుంచి వచ్చిన మరో సుందరి అనుకున్నారంతే. కానీ ఆ తర్వాతే అమ్మడి లెక్కలు మారిపోయాయి.

మొదట పక్కింటి అమ్మాయి పాత్రలలో కనిపించిన ఈ బ్యూటీ.. ఆ తర్వాత సడెన్ గా గ్లామర్ యాంగిల్ లోకి జంప్ అయిపోయింది. అసలు రియల్ లైఫ్ లో కూడా ఈ సుందరి అల్ట్రామోడర్న్ గానే ఉంటుంది కానీ.. తొలి సినిమా దెబ్బకు వరుసగా అలాంటి ఛాన్సులు వచ్చాయంతే. కానీ తనకు ఒక్క సారి కమర్షియల్ హీరోయిన్ అవకాశం వచ్చిన తర్వాత సూపర్బ్ గా రెచ్చిపోవడం స్టార్ట్ చేసింది. కిట్టు ఉన్నాడు జాగ్రత్త.. ఆక్సిజన్.. అజ్ఞాతవాసి చిత్రాలలో తన గ్లామర్ తో అదరగొట్టేసిన ఈ సుందరికి.. వరుస అవకాశాలు దక్కుతున్నాయి. మే 4న విడుదల కానున్న అల్లు అర్జున్ మూవీ నా పేరు సూర్యలో హీరోయిన్ అనునే.

ఈ సినిమాలో చాలానే గ్లామర్ కుమ్మరించిందని పోస్టర్లు.. ప్రోమోలు చూస్తుంటే అర్ధమవుతుంది కానీ.. ఆశ్చర్యకరంగా ప్రీ రిలీజ్ ఈవెంట్ కి కూడా అదే స్థాయిలో అందాలను చిందిస్తూ అటెండ్ అయింది అను. అమ్మడి దృష్టి ఒకసారి ఇటువైపు పడితే.. మళ్లీ కళ్లు తిప్పుకోనివ్వనంతగా తన గ్లామర్ ను చూపించేసింది అను. అందుకే ఇప్పుడామె చేతిలో శైలజా రెడ్డి అల్లుడు.. అమర్-అక్బర్-ఆంటోనీ వంటి క్రేజీ ప్రాజెక్టులు ఉన్నాయి. ఇవి కూడా ఈ ఏడాదే రిలీజ్ అయిపోతాయ్ కూడా.

మరిన్ని ఫొటోస్ చూడటానికి క్లిక్ చేయండి