మొత్తానికి ఆఫ‌ర్ ప‌ట్టింది

అందం ఉంది.. ప్ర‌తిభ‌ ఉంది. కానీ ఏం లాభం? ఏదీ క‌లిసి రాలేదు. హిట్టును న‌మ్మే సెంటిమెంటు ప‌రిశ్ర‌మ‌లో స‌క్సెస్ ఒక్క‌టే కావాలి. అది లేక‌పోతే కెరీర్ ప‌రంగా కుంగుబాటు త‌ప్ప‌దు. అలాంటి మీమాంశ‌నే ఎదుర్కొంది మ‌ల‌యాళీ ముద్దుగుమ్మ‌ అనూ ఇమ్మాన్యుయేల్. ఫ్లాప్ హీరోయిన్ అన్న ముద్ర వేయించుకున్న ఈ బ్యూటీకి ఇటీవ‌ల అవ‌కాశాలు ద‌క్క‌లేదు. ఇన్నాళ్లు ఏ ద‌ర్శ‌క‌నిర్మాతా అనూకి తిరిగి పిలిచి అవ‌కాశం ఇవ్వ‌క‌పోవ‌డంపై ఆస‌క్తిక‌ర చ‌ర్చ సాగింది. టాలీవుడ్ లో హేమాహేమీల్లాంటి స్టార్ల స‌ర‌స‌న న‌టించింది అనూ.

ప‌వ‌ర్‌ స్టార్ ప‌వ‌న్ క‌ల్యాణ్ స‌ర‌స‌న అజ్ఞాత‌వాసి.. అల్లు అర్జున్ స‌ర‌స‌న నా పేరు సూర్య‌.. నాగ‌చైత‌న్య స‌ర‌స‌న శైల‌జా రెడ్డి అల్లుడు చిత్రాల్లో న‌టించింది. ఆ మూడూ డిజాస్ట‌ర్లుగా నిల‌వ‌డంతో త‌న‌ని ఐరెన్ లెగ్ అన్న‌వాళ్లు ఉన్నారు. కార‌ణం ఏదైనా అనూ పూర్తిగా తెర‌వెన‌క్కి వెళ్లిపోయింది. అప్ప‌ట్లో ఇక ఈ మ‌ల్లూ భామ విదేశాల‌కు వెళ్లిపోయింద‌ని .. న‌టించే ఆలోచ‌న‌లో లేద‌ని ప్ర‌చార‌మైంది. అయితే ఆ మాట నిజం కాద‌ని తాజా ఫీట్ చెబుతోంది.

అనూ కోలీవుడ్ లో ల‌క్ చెక్ చేసుకోబోతోంది. అది కూడా క్రేజీ హీరో శివ‌కార్తికేయ‌న్ స‌ర‌స‌న‌ ఓ భారీ చిత్రానికి సంత‌కం చేసింది. ఈ చిత్రాన్ని ప్ర‌ముఖ నిర్మాణ సంస్థ స‌న్ పిక్చ‌ర్స్ అత్యంత భారీ బ‌డ్జెట్ తో నిర్మించ‌నుంద‌ని తెలుస్తోంది. ట్యాలెంటెడ్ పాండిరాజ్ ద‌ర్శ‌క‌త్వం వ‌హించ‌నున్నారు. క‌థ లాక్ అయ్యింది. నాయ‌కానాయిక‌లు లాక్ అయ్యారు కాబ‌ట్టి తొంద‌ర్లోనే ఇత‌ర వివ‌రాల్ని వెల్ల‌డిస్తార‌ని తెలుస్తోంది. మొత్తానికి స‌క్స‌స్ సుడి ఉన్న హీరో స‌ర‌స‌న అనూ ల‌క్కీగా ఛాన్స్ ద‌క్కించుకుంది. క‌నీసం ఇదైనా హిట్ట‌యితే కోలీవుడ్ లో బిజీ అవుతుందేమో!!