చీక‌టి వెలుగు అనే తేడానే లేదు ఈ బ్యూటీకి!

చీక‌టిలో అయినా గొప్ప వెలుతురులో అయినా త‌న రూపం మార‌ద‌ని సెల‌విచ్చింది అనూ ఇమ్మాన్యుయేల్. క్యాప్ష‌న్ తో పాటే అంద‌మైన ఓ ఫోటోగ్రాఫ్ ని షేర్ చేయ‌గా అది వైర‌ల్ గా మారింది. నిజ‌మే.. అందం ఎక్క‌డైనా అంద‌మేన‌ని అంగీక‌రించాలి. డార్క్ లోనూ అనూ మ‌త్తు చ‌ల్లే రూపాన్ని మ‌ర్చిపోలేదు యూత్. ముఖ్యంగా అనూ కాన్ఫిడెన్స్ లెవ‌ల్ కి మెచ్చుకుని తీరాలి. కెరీర్ ప‌రంగా వ‌రుస‌గా అగ్ర హీరోలు ఫ్లాపులిచ్చినా ఇంకా టాలీవుడ్ లో త‌న స‌త్తా చాటాల‌నే ప్ర‌య‌త్నంతో ఉంది ఈ బ్యూటీ.

ప‌వ‌న్ క‌ల్యాణ్‌.. అల్లు అర్జున్ లాంటి స్టార్లే త‌న‌కు హిట్టివ్వ‌లేక‌పోయారు. అజ్ఞాత‌వాసి.. నా పేరు సూర్య రిజ‌ల్ట్ ఎప్ప‌టికీ చేదు గుళిక‌లు. మొన్న‌టికి మొన్న మ‌హా స‌ముద్రం లాంటి చిత్రంలో న‌టించినా అది కూడా ఆశించిన ఫ‌లితాన్ని తేలేక‌పోయింది. ఇంత సుదీర్ఘ మైన ఇన్నింగ్స్ లో ఎంత‌గా శ్ర‌మించినా కానీ ఈ అమ్మ‌డిని ల‌క్ వ‌రించ‌డం లేదు.

అయితేనేం త‌న‌లో ఇంకా చాలా కాన్ఫిడెన్స్ ఉంది. ఎదురీదే ద‌మ్ము ధైర్యం త‌న‌కు ఉన్నాయి. ఏటికి ఎదురీద‌డం త‌న‌కు మాత్ర‌మే తెలుసు అన్నంతగా ప్ర‌య‌త్నిస్తూనే ఉంది. ఇక త‌న‌కు ఉన్న ఏకైక ఆప్ష‌న్ స‌హ‌జీవ‌నం నేప‌థ్యంలో శిరీష్ స‌ర‌స‌న న‌టిస్తున్న సినిమానే. ఈ చిత్రానికి ప్రేమ కాదంట‌! అనే టైటిల్ ని నిర్ణ‌యించిన సంగ‌తి తెలిసిందే. టైటిల్ కి స్పంద‌న బావుంది. లివిన్ రిలేష‌న్ షిప్ నేప‌థ్యంలో ఈ మూవీ యూత్ కి క‌నెక్ట‌యితే హిట్టు కొడితే త‌న‌కు మ‌రో ఆఫ‌ర్ ఉంటుందేమో! అందుకే అనూ హోప్స్ అన్నీ ఈ సినిమాపైనే. అయితే దీనికి సంబంధించిన త‌దుప‌రి అప్ డేట్ రావాల్సి ఉంది.