వాళ్ళిద్దరి గురించి అను ఏమందంటే..

పవర్ స్టార్ పవన్ కళ్యాణ్ అజ్ఞాతవాసి రిలీజ్ కావడానికి ఎంతో సమయం లేదు. ఎంతో కాలం నుంచి ఎదురుచూస్తోన్న జనవరి 10 మరికొన్ని గంటల్లో రాబోతోంది. అయితే సినిమాకు సంబంధించిన విషయం ఇంకా ప్రేక్షకులకు చాలా కిక్కు ఇస్తోంది. ముఖ్యంగా సినిమాల్లోని కొన్ని సీన్స్ గురించి ఇంకా పాత్రల గురించి తారలు ప్రస్తావిస్తుండడం సినిమాపై అంచనాలను పెంచుతోంది.

రీసెంట్ గా సినిమాలోని ఒక హీరోయిన్ అను ఇమ్మాన్యుయెల్ కూడా సినిమా గురించి కొన్ని విషయాలను చెప్పింది. అంతే కాకుండా పవన్ కళ్యాణ్ గురించి కూడా తన స్టైల్ లో కొన్ని విషయాలను తెలిపింది. పవన్ మంచి వ్యక్తి సింపుల్ గా ఉండడానికి ఇష్టపడతారు అంతే కాకుండా చాలా సరదాగా కూడా ఉంటారు. ఆయన సెట్ మొత్తాన్ని చాలా సంతోషంగా ఉండేలా చేయగలరని చెప్పారు. ఎక్కువగా తనతో చాలా సరదాగా ఉండేవారని ఒక మంచి మనసున్న హీరోతో నేను వర్క్ చేసినందుకు చాలా హ్యాపీగా ఉందని అను వివరించింది. ఇక త్రివిక్రమ్ గురించి మాట్లాడుతూ.. త్రివిక్రమ్ శ్రీనివాస్ గారితో ఈ సినిమాను చేసినందుకు చాలా కొత్తగా అనిపించింది.

ఆయనది చాలా డిఫెరెంట్ టేకింగ్. సినిమాలో హీరోయిన్ గా వర్క్ చేయడమే కాకుండా చాలా వరకు కొత్త విషయాలను నేర్చుకున్నాను. నిజమైన మనస్తత్వం మరియు పరిజ్ఞానం - భారతీయ చరిత్ర నుండి భౌతిక శాస్త్రం వరకు. చలన చిత్రం నుండి ఆహారం వరకు అన్ని విషయాల గురించి ఆయనకు పూర్తి అవగాహన ఉంది. ఆయన నుండి నేర్చుకోవటానికి చాలా ఉందని అను తెలిపింది.