అయ్యో! అనూ ఏంటీ ఇలా అయిపోయింది?

ద‌శాబ్ధం క్రిత‌మే బెబో క‌రీనా క‌పూర్ జీరో సైజ్ ట్రెండ్ ని తెచ్చింది. కానీ ఇప్ప‌టికీ ఆ ట్రెండ్ రాజ్య‌మేల్తూనే ఉంది. ఇండ‌స్ట్రీలో మ‌నుగ‌డ సాగించాలంటే ప్ర‌తి క‌థానాయిక త‌నను తాను జీరో సైజ్ బేబీగా ఆవిష్క‌రించుకోవాల్సిందే. నేటిత‌రంలో ఇంచుమించి ప్ర‌తి క‌థానాయిక ఇలాంటి ప్ర‌య‌త్నాలు చేస్తున్నారు.

బబ్లీ గాళ్ అనూ ఇమ్మాన్యుయేల్ కూడా ఇటీవ‌లి కాలంలో జీరో సైజ్ కోసం పాకులాడుతున్న‌ట్టే క‌నిపించింది. ఇటీవ‌ల‌ లుక్ ప‌రంగా ఛేంజోవ‌ర్ చూపిస్తూ ఆశ్చ‌ర్య‌ప‌రుస్తోంది అనూ. ఇంత‌కుముందు ర‌క‌ర‌కాల ఫోటోషూట్ల‌తో తాను స్లిమ్ అయిన విష‌యాన్ని చెప్ప‌క‌నే చెప్పింది.

ఇప్పుడు మ‌రీ స‌న్న‌బ‌డి క‌నిపిస్తోంది. ఈ కొత్త‌ లుక్ చూడ‌గానే అయ్యో అనూ ఏంటీ ఇలా మారిపోయింది. మ‌రీ స‌న్న‌జాజిలా అయ్యింది! తిండి క‌ట్టేసిందా..! అంటూ అభిమానులు కామెంట్లు చేస్తున్నారు. అయితే ఈ కొత్త రూపం బాగుంది. అనూ మ‌రింత వేడిగా క‌నిపిస్తోంది. కుర్రాళ్ల గుండెల్లో గిచ్చేస్తోంది అంటూ కామెంట్లు వినిపిస్తున్నాయి.

అన్న‌ట్టు అనూ కెరీర్ సంగ‌తేంటీ? అంటే.. ఇటీవ‌లే విడుద‌లైన మ‌హా స‌ముద్రం బిగ్ డిజాస్ట‌రవ్వ‌డం మ‌రోసారి తీవ్ర నిరాశ‌ను క‌లిగించింది. ఇందులో అనూ ఇమ్మాన్యుయేల్ ఎంతో అందంగా క‌నిపించినా హిట్టు రాక ఫ‌లితం శూన్యంగా మిగిలింది. మ‌రోవైపు అల్లు శిరీష్ స‌ర‌స‌నా అనూ ఓ చిత్రంలో న‌టిస్తోంది.

స‌హ‌జీవ‌నం కాన్సెప్టుతో ఈ సినిమా వేడెక్కిస్తుంద‌న్న టాక్ వినిపించింది. అయితే ఈ సినిమా తాజా అప్ డేట్ ఏదీ రాలేదు. అనూ అయినా వివ‌రం చెబుతుందా అంటే అదీ లేదు. ఇక ఇన్ స్టాలో చూస్తే ఫోటోల‌తో పాటు బుర్ర తిరిగిన‌ట్టు ఈమోజీల్ని ప్రేమ‌లో ప‌డిన‌ట్టు రెడ్ హార్ట్ ఈమోజీల్ని షేర్ చేస్తోంది. మ‌రి అనూ లైఫ్ లో మ‌రో కొత్త మ్యాజిక‌ల్ మూవ్ మెంట్ గురించి ఏదైనా చెబుతుందేమో చూడాల‌న్న కుతూహాలం ఫ్యాన్స్ లో ఉంది.